Η Καινή Διαθήκη ΛΟΥΚΑΝ 4

1 Ἰησοῦς δὲ *⸉πνεύματος ἁγίου πλήρης⸊ ὑπέστρεψεν ἀπὸ τοῦ Ἰορδάνου, καὶ ἤγετο ἐν τῷ πνεύματι *⸂εἰς τὴν ἔρημον,⸃ 2 ἡμέρας τεσσαράκοντα πειραζόμενος ὑπὸ τοῦ διαβόλου. Καὶ οὐκ ἔφαγεν οὐδὲν ἐν ταῖς ἡμέραις ἐκείναις· καὶ συντελεσθεισῶν αὐτῶν, *⸋ὕστερον⸌ ἐπείνασεν. 3 *⸂Καὶ εἶπεν⸃ αὐτῷ ὁ διάβολος, Εἰ υἱὸς εἶ τοῦ θεοῦ, εἰπὲ τῷ λίθῳ τούτῳ ἵνα γένηται ἄρτος. 4 Καὶ ἀπεκρίθη *⸂Ἰησοῦς πρὸς αὐτόν,⸃ *⸋λέγων,⸌ Γέγραπται ὅτι Οὐκ ἐπ᾽ ἄρτῳ μόνῳ ζήσεται *⸆ ἄνθρωπος, *⸋2ἀλλ᾽ ἐπὶ παντὶ ῥήματι θεοῦ.⸌ 5 Καὶ ἀναγαγὼν αὐτὸν *⸋ὁ διάβολος⸌ *⸋2εἰς ὄρος ὑψηλὸν⸌ ἔδειξεν αὐτῷ πάσας τὰς βασιλείας τῆς οἰκουμένης ἐν στιγμῇ χρόνου. 6 Καὶ εἶπεν αὐτῷ ὁ διάβολος, Σοὶ δώσω τὴν ἐξουσίαν ταύτην ἅπασαν καὶ τὴν δόξαν αὐτῶν· ὅτι ἐμοὶ παραδέδοται, καὶ ᾧ *⸂ἐὰν⸃ θέλω δίδωμι αὐτήν. 7 Σὺ οὖν ἐὰν προσκυνήσῃς ἐνώπιον *⸂ἐμοῦ,⸃ ἔσται *⸂2σοῦ⸃ *⸂3πᾶσα.⸃ 8 Καὶ ἀποκριθεὶς *⸉αὐτῷ εἶπεν ὁ Ἰησοῦς,⸊ *⸋Ὕπαγε ὀπίσω μου, Σατανᾶ·⸌ γέγραπται, *⸆ *⸉2Προσκυνήσεις κύριον τὸν θεόν σου,⸊ καὶ αὐτῷ μόνῳ λατρεύσεις. 9 *⸂Καὶ ἤγαγεν αὐτὸν εἰς Ἱερουσαλήμ, καὶ ἔστησεν αὐτὸν⸃ ἐπὶ τὸ πτερύγιον τοῦ ἱεροῦ, καὶ εἶπεν αὐτῷ, Εἰ *⸆ υἱὸς εἶ τοῦ θεοῦ, βάλε σεαυτὸν ἐντεῦθεν κάτω· 10 γέγραπται γὰρ ὅτι Τοῖς ἀγγέλοις αὐτοῦ ἐντελεῖται περὶ σοῦ, τοῦ διαφυλάξαι σε· 11 καί, *⸆ Ἐπὶ χειρῶν ἀροῦσίν σε, μήποτε προσκόψῃς πρὸς λίθον τὸν πόδα σου. 12 Καὶ ἀποκριθεὶς εἶπεν αὐτῷ ὁ Ἰησοῦς ὅτι Εἴρηται, Οὐκ ἐκπειράσεις κύριον τὸν θεόν σου. 13 Καὶ συντελέσας πάντα πειρασμὸν ὁ διάβολος ἀπέστη ἀπ᾽ αὐτοῦ ἄχρι καιροῦ.

14 Καὶ ὑπέστρεψεν ὁ Ἰησοῦς ἐν τῇ δυνάμει τοῦ πνεύματος εἰς τὴν Γαλιλαίαν· καὶ φήμη ἐξῆλθεν καθ᾽ ὅλης τῆς περιχώρου περὶ αὐτοῦ. 15 Καὶ αὐτὸς ἐδίδασκεν ἐν ταῖς συναγωγαῖς αὐτῶν, δοξαζόμενος ὑπὸ πάντων.

16 Καὶ ἦλθεν εἰς *⸋τὴν⸌ Ναζαρέτ, οὗ ἦν τεθραμμένος· καὶ εἰσῆλθεν, κατὰ τὸ εἰωθὸς αὐτῷ, ἐν τῇ ἡμέρᾳ τῶν σαββάτων εἰς τὴν συναγωγήν, καὶ ἀνέστη ἀναγνῶναι. 17 Καὶ ἐπεδόθη αὐτῷ βιβλίον *⸉Ἠσαΐου τοῦ προφήτου.⸊ Καὶ *⸂ἀναπτύξας⸃ τὸ βιβλίον, εὗρεν τὸν τόπον οὗ ἦν γεγραμμένον, 18 Πνεῦμα κυρίου ἐπ᾽ ἐμέ, οὗ εἵνεκεν ἔχρισέν με *⸂εὐαγγελίσασθαι⸃ πτωχοῖς· ἀπέσταλκέν με *⸋ἰάσασθαι τοὺς συντετριμμένους τὴν καρδίαν·⸌ κηρύξαι αἰχμαλώτοις ἄφεσιν, καὶ τυφλοῖς ἀνάβλεψιν, ἀποστεῖλαι τεθραυσμένους ἐν ἀφέσει, 19 κηρύξαι ἐνιαυτὸν κυρίου δεκτόν. 20 Καὶ πτύξας τὸ βιβλίον, ἀποδοὺς τῷ ὑπηρέτῃ, ἐκάθισεν· καὶ πάντων *⸉ἐν τῇ συναγωγῇ οἱ ὀφθαλμοὶ⸊ ἦσαν ἀτενίζοντες αὐτῷ. 21 Ἤρξατο δὲ λέγειν πρὸς αὐτοὺς ὅτι Σήμερον πεπλήρωται ἡ γραφὴ αὕτη ἐν τοῖς ὠσὶν ὑμῶν. 22 Καὶ πάντες ἐμαρτύρουν αὐτῷ, καὶ ἐθαύμαζον ἐπὶ τοῖς λόγοις τῆς χάριτος τοῖς ἐκπορευομένοις ἐκ τοῦ στόματος αὐτοῦ, καὶ ἔλεγον, *⸂Οὐχ οὗτός ἐστιν ὁ υἱὸς Ἰωσήφ;⸃ 23 Καὶ εἶπεν πρὸς αὐτούς, Πάντως ἐρεῖτέ μοι τὴν παραβολὴν ταύτην, Ἰατρέ, θεράπευσον σεαυτόν· ὅσα ἠκούσαμεν γενόμενα *⸂ἐν τῇ Καπερναούμ,⸃ ποίησον καὶ ὧδε ἐν τῇ πατρίδι σου. 24 Εἶπεν δέ, Ἀμὴν λέγω ὑμῖν ὅτι οὐδεὶς προφήτης δεκτός ἐστιν ἐν τῇ πατρίδι αὐτοῦ. 25 Ἐπ᾽ ἀληθείας δὲ λέγω ὑμῖν, πολλαὶ χῆραι ἦσαν ἐν ταῖς ἡμέραις Ἠλίου ἐν τῷ Ἰσραήλ, ὅτε ἐκλείσθη ὁ οὐρανὸς *⸋ἐπὶ⸌ ἔτη τρία καὶ μῆνας ἕξ, ὡς ἐγένετο λιμὸς μέγας ἐπὶ πᾶσαν τὴν γῆν· 26 καὶ πρὸς οὐδεμίαν αὐτῶν ἐπέμφθη Ἠλίας, εἰ μὴ εἰς Σάρεπτα τῆς Σιδῶνος πρὸς γυναῖκα χήραν. 27 Καὶ πολλοὶ λεπροὶ ἦσαν *⸉ἐπὶ Ἐλισσαίου τοῦ προφήτου ἐν τῷ Ἰσραήλ·⸊ καὶ οὐδεὶς αὐτῶν ἐκαθαρίσθη, εἰ μὴ Νεεμὰν ὁ Σύρος. 28 Καὶ ἐπλήσθησαν πάντες θυμοῦ ἐν τῇ συναγωγῇ, ἀκούοντες ταῦτα, 29 καὶ ἀναστάντες ἐξέβαλον αὐτὸν ἔξω τῆς πόλεως, καὶ ἤγαγον αὐτὸν ἕως *⸆ ὀφρύος τοῦ ὄρους ἐφ᾽ οὗ ἡ πόλις *⸉αὐτῶν ᾠκοδόμητο,⸊ *⸂εἰς τὸ⸃ κατακρημνίσαι αὐτόν. 30 Αὐτὸς δὲ διελθὼν διὰ μέσου αὐτῶν ἐπορεύετο.

31 Καὶ κατῆλθεν εἰς Καπερναοὺμ πόλιν τῆς Γαλιλαίας· καὶ ἦν διδάσκων αὐτοὺς ἐν τοῖς σάββασιν. 32 Καὶ ἐξεπλήσσοντο ἐπὶ τῇ διδαχῇ αὐτοῦ, ὅτι ἐν ἐξουσίᾳ ἦν ὁ λόγος αὐτοῦ. 33 Καὶ ἐν τῇ συναγωγῇ ἦν ἄνθρωπος ἔχων πνεῦμα δαιμονίου ἀκαθάρτου, καὶ ἀνέκραξεν φωνῇ μεγάλῃ, 34 *⸋λέγων,⸌ Ἔα, τί ἡμῖν καὶ σοί, Ἰησοῦ Ναζαρηνέ; Ἦλθες ἀπολέσαι ἡμᾶς; Οἶδά σε τίς εἶ, ὁ ἅγιος τοῦ θεοῦ. 35 Καὶ ἐπετίμησεν αὐτῷ ὁ Ἰησοῦς, λέγων, Φιμώθητι, καὶ ἔξελθε *⸂ἐξ⸃ αὐτοῦ. Καὶ ῥίψαν αὐτὸν τὸ δαιμόνιον εἰς *⸆ μέσον ἐξῆλθεν ἀπ᾽ αὐτοῦ, μηδὲν βλάψαν αὐτόν. 36 Καὶ ἐγένετο θάμβος ἐπὶ πάντας, καὶ συνελάλουν πρὸς ἀλλήλους, λέγοντες, Τίς ὁ λόγος οὗτος, ὅτι ἐν ἐξουσίᾳ καὶ δυνάμει ἐπιτάσσει τοῖς ἀκαθάρτοις πνεύμασιν, καὶ ἐξέρχονται; 37 Καὶ ἐξεπορεύετο ἦχος περὶ αὐτοῦ εἰς πάντα τόπον τῆς περιχώρου.

38 Ἀναστὰς δὲ *⸂ἐκ⸃ τῆς συναγωγῆς, εἰσῆλθεν εἰς τὴν οἰκίαν Σίμωνος· *⸆ πενθερὰ δὲ τοῦ Σίμωνος ἦν συνεχομένη πυρετῷ μεγάλῳ· καὶ ἠρώτησαν αὐτὸν περὶ αὐτῆς. 39 Καὶ ἐπιστὰς ἐπάνω αὐτῆς, ἐπετίμησεν τῷ πυρετῷ, καὶ ἀφῆκεν αὐτήν· παραχρῆμα δὲ ἀναστᾶσα διηκόνει αὐτοῖς.

40 Δύνοντος δὲ τοῦ ἡλίου, *⸂πάντες⸃ ὅσοι εἶχον ἀσθενοῦντας νόσοις ποικίλαις ἤγαγον αὐτοὺς πρὸς αὐτόν· ὁ δὲ ἑνὶ ἑκάστῳ αὐτῶν τὰς χεῖρας *⸂2ἐπιθεὶς ἐθεράπευσεν⸃ αὐτούς. 41 Ἐξήρχετο δὲ καὶ δαιμόνια ἀπὸ πολλῶν, *⸂κράζοντα⸃ καὶ λέγοντα ὅτι Σὺ εἶ *⸂2ὁ χριστὸς ὁ υἱὸς τοῦ θεοῦ.⸃ Καὶ ἐπιτιμῶν οὐκ εἴα αὐτὰ λαλεῖν, ὅτι ᾔδεισαν τὸν χριστὸν αὐτὸν εἶναι.

42 Γενομένης δὲ ἡμέρας, ἐξελθὼν ἐπορεύθη εἰς ἔρημον τόπον, καὶ οἱ ὄχλοι *⸂ἐπεζήτουν⸃ αὐτόν, καὶ ἦλθον ἕως αὐτοῦ, καὶ κατεῖχον αὐτὸν τοῦ μὴ πορεύεσθαι ἀπ᾽ αὐτῶν. 43 Ὁ δὲ εἶπεν πρὸς αὐτοὺς ὅτι Καὶ ταῖς ἑτέραις πόλεσιν εὐαγγελίσασθαί με δεῖ τὴν βασιλείαν τοῦ θεοῦ· ὅτι *⸂εἰς⸃ τοῦτο *⸂2ἀπέσταλμαι.⸃

44 Καὶ ἦν κηρύσσων *⸂ἐν ταῖς συναγωγαῖς⸃ τῆς *⸂2Γαλιλαίας.⸃

*4:1 ⸉ πνεύματος ἁγίου πλήρης RP TR ¦ πλήρης πνεύματος ἁγίου f 35 TNT2 WH NA NIV SBL

*4:1 ⸂ εἰς τὴν ἔρημον RP f 35 TR ¦ ἐν τῇ ἐρήμῳ TNT2 WH NA NIV SBL

*4:2 ⸋ ὕστερον RP f 35 TR ¦ – TNT2 WH NA NIV SBL

*4:3 ⸂ Καὶ εἶπεν RP f 35 TR ¦ Εἶπεν δὲ TNT2 WH NA NIV SBL

*4:4 ⸂ Ἰησοῦς πρὸς αὐτόν RP f 35 TR ¦ πρὸς αὐτὸν ὁ Ἰησοῦς TNT2 WH NA NIV SBL

*4:4 ⸋ λέγων RP f 35 TR ¦ – TNT2 WH NA NIV SBL

*4:4 ⸆ – RP f 35 ¦ ὁ TR TNT2 WH NA NIV SBL

*4:4 ⸋2 ἀλλ᾽ ἐπὶ παντὶ ῥήματι θεοῦ RP f 35 TR TNT2 ¦ – WH NA NIV SBL

*4:5 ⸋ ὁ διάβολος RP f 35 TR NIV ¦ – TNT2 WH NA SBL

*4:5 ⸋2 εἰς ὄρος ὑψηλὸν RP f 35 TR NIV ¦ – TNT2 WH NA SBL

*4:6 ⸂ ἐὰν RP f 35 TR NA NIV ¦ ἂν TNT2 WH SBL

*4:7 ⸂ ἐμοῦ RP f 35 TNT2 WH NA NIV SBL ¦ μοῦ TR

*4:7 ⸂2 σοῦ RP TR TNT2 WH NA NIV SBL ¦ σοὶ f 35

*4:7 ⸂3 πᾶσα RP f 35 TNT2 WH NA NIV SBL ¦ πάντα TR

*4:8 ⸉ αὐτῷ εἶπεν ὁ Ἰησοῦς RP f 35 TR TNT2 ¦ ὁ Ἰησοῦς εἶπεν αὐτῷ WH NA NIV SBL

*4:8 ⸋ Ὕπαγε ὀπίσω μου, Σατανᾶ· RP f 35 TR ¦ – TNT2 WH NA NIV SBL

*4:8 ⸆ – RP f 35 TNT2 WH NA NIV SBL ¦ γὰρ TR

*4:8 ⸉2 Προσκυνήσεις κύριον τὸν θεόν σου RP f 35 TR NA25 ¦ Κύριον τὸν θεόν σου προσκυνήσεις TNT2 WH NA27+28 NIV SBL

*4:9 ⸂ Καὶ ἤγαγεν αὐτὸν … καὶ ἔστησεν αὐτὸν RP f 35 TR ¦ Ἤγαγεν δὲ αὐτὸν … καὶ ἔστησεν αὐτὸν TNT2 ¦ Ἤγαγεν δὲ αὐτὸν … καὶ ἔστησεν WH NA NIV SBL

*4:9 ⸆ – RP f 35 TNT2 WH NA NIV SBL ¦ ὁ TR

*4:11 ⸆ – RP f 35 ¦ ὅτι TR TNT2 WH NA NIV SBL

*4:16 ⸋ τὴν RP f 35 TR ¦ – TNT2 WH NA NIV SBL

*4:17 ⸉ Ἠσαΐου τοῦ προφήτου RP f 35 TR ¦ τοῦ προφήτου Ἠσαΐου TNT2 WH NA NIV SBL

*4:17 ⸂ ἀναπτύξας RP f 35 TR NA27+28 NIV SBL ¦ ἀνοίξας TNT2 WH NA25

*4:18 ⸂ εὐαγγελίσασθαι RP f 35 TNT2 WH NA NIV SBL ¦ εὐαγγελίζεσθαι TR

*4:18 ⸋ ἰάσασθαι τοὺς συντετριμμένους τὴν καρδίαν RP f 35 TR ¦ – TNT2 WH NA NIV SBL

*4:20 ⸉ ἐν τῇ συναγωγῇ οἱ ὀφθαλμοὶ RP f 35 TR ¦ οἱ ὀφθαλμοὶ ἐν τῇ συναγωγῇ TNT2 WH NA NIV SBL

*4:22 ⸂ Οὐχ οὗτός ἐστιν ὁ υἱὸς Ἰωσήφ; RP f 35 TR ¦ Οὐχὶ οὗτός ἐστιν ὁ υἱὸς Ἰωσήφ; TNT2 ¦ Οὐχὶ υἱὸς ἐστιν Ἰωσήφ οὗτός; WH NA NIV SBL

*4:23 ⸂ ἐν τῇ Καπερναούμ RP f 35 TR ¦ εἰς Καφαρναοὺμ TNT2 ¦ εἰς τὴν Καφαρναοὺμ WH NA NIV SBL

*4:25 ⸋ ἐπὶ RP f 35 TR NA NIV SBL ¦ – TNT2 WH

*4:27 ⸉ ἐπὶ Ἐλισσαίου τοῦ προφήτου ἐν τῷ Ἰσραήλ RP f 35 TR ¦ ἐν τῷ Ἰσραὴλ ἐπὶ Ἐλισαίου τοῦ προφήτου TNT2 WH NA NIV SBL

*4:29 ⸆ – RP f 35 TNT2 WH NA NIV SBL ¦ τῆς TR

*4:29 ⸉ αὐτῶν ᾠκοδόμητο RP f 35 TR ¦ ᾠκοδόμητο αὐτῶν TNT2 WH NA NIV SBL

*4:29 ⸂ εἰς τὸ RP f 35 TR ¦ ὥστε TNT2 WH NA NIV SBL

*4:34 ⸋ λέγων RP f 35 TR TNT2 ¦ – WH NA NIV SBL

*4:35 ⸂ ἐξ RP f 35 TR ¦ ἀπ᾽ TNT2 WH NA NIV SBL

*4:35 ⸆ – RP f 35 ¦ τὸ TR TNT2 WH NA NIV SBL

*4:38 ⸂ ἐκ RP f 35 TR ¦ ἀπὸ TNT2 WH NA NIV SBL

*4:38 ⸆ – RP f 35 TNT2 WH NA NIV SBL ¦ ἡ TR

*4:40 ⸂ πάντες RP f 35 TR TNT2 ¦ ἅπαντες WH NA NIV SBL

*4:40 ⸂2 ἐπιθεὶς ἐθεράπευσεν RP f 35 TR ¦ ἐπιτιθεὶς ἐθεράπευεν TNT2 WH NA NIV SBL

*4:41 ⸂ κράζοντα RP f 35 TR TNT2 WH NIV11 ¦ κραυγάζοντα NA NIV73 SBL

*4:41 ⸂2 ὁ χριστὸς ὁ υἱὸς τοῦ θεοῦ RP f 35 TR ¦ ὁ υἱὸς τοῦ θεοῦ TNT2 WH NA NIV SBL

*4:42 ⸂ ἐπεζήτουν RP TNT2 WH NA NIV SBL ¦ ἐζήτουν f 35 TR

*4:43 ⸂ εἰς RP f 35 TR ¦ ἐπὶ TNT2 WH NA NIV SBL

*4:43 ⸂2 ἀπέσταλμαι RP f 35 TR ¦ ἀπεστάλην TNT2 WH NA NIV SBL

*4:44 ⸂ ἐν ταῖς συναγωγαῖς RP f 35 TR ¦ εἰς τὰς συναγωγὰς TNT2 WH NA NIV SBL

*4:44 ⸂2 Γαλιλαίας RP f 35 TR TNT2 ¦ Ἰουδαίας WH NA NIV SBL

Public Domain