Η Καινή Διαθήκη ΚΑΤΑ ΜΑΡΚΟΝ 6

Jesus Rejected at Nazareth

1 Καὶ ἐξῆλθεν ἐκεῖθεν, καὶ *ἦλθεν εἰς τὴν πατρίδα †αὐτοῦ· καὶ ἀκολουθοῦσιν αὐτῷ οἱ μαθηταὶ αὐτοῦ. 2 Καὶ γενομένου σαββάτου, ἤρξατο ‡ἐν τῇ συναγωγῇ διδάσκειν· καὶ §πολλοὶ ἀκούοντες ἐξεπλήσσοντο, λέγοντες, Πόθεν τούτῳ ταῦτα; Καὶ τίς ἡ σοφία ἡ δοθεῖσα *αὐτῷ, †καὶ ‡δυνάμεις τοιαῦται διὰ τῶν χειρῶν αὐτοῦ §γίνονται; 3 Οὐχ οὗτός ἐστιν ὁ τέκτων, ὁ υἱὸς *Μαρίας, †ἀδελφὸς δὲ Ἰακώβου καὶ ‡Ἰωσῆ καὶ Ἰούδα καὶ Σίμωνος; Καὶ οὐκ εἰσὶν αἱ ἀδελφαὶ αὐτοῦ ὧδε πρὸς ἡμᾶς; Καὶ ἐσκανδαλίζοντο ἐν αὐτῷ. 4 §Ἔλεγε δὲ αὐτοῖς ὁ Ἰησοῦς ὅτι Οὐκ ἔστι προφήτης ἄτιμος, εἰ μὴ ἐν τῇ πατρίδι αὐτοῦ, καὶ ἐν τοῖς *συγγενέσι καὶ ἐν τῇ οἰκίᾳ αὐτοῦ. 5 Καὶ οὐκ †ἠδύνατο ἐκεῖ ‡οὐδεμίαν δύναμιν ποιῆσαι, εἰ μὴ ὀλίγοις ἀρρώστοις ἐπιθεὶς τὰς χεῖρας, ἐθεράπευσε. 6 Καὶ §ἐθαύμαζε διὰ τὴν ἀπιστίαν αὐτῶν.

Jesus Sends Out the Twelve Apostles

Καὶ περιῆγε τὰς κώμας κύκλῳ διδάσκων. 7 Καὶ προσκαλεῖται τοὺς δώδεκα, καὶ ἤρξατο αὐτοὺς ἀποστέλλειν δύο δύο, καὶ ἐδίδου αὐτοῖς ἐξουσίαν τῶν πνευμάτων τῶν ἀκαθάρτων. 8 Καὶ παρήγγειλεν αὐτοῖς ἵνα μηδὲν αἴρωσιν εἰς ὁδόν, εἰ μὴ ῥάβδον μόνον· μὴ *πήραν, μὴ ἄρτον, μὴ εἰς τὴν ζώνην χαλκόν· 9 †ἀλλ᾽ ὑποδεδεμένους σανδάλια· καὶ μὴ ‡ἐνδύσησθε δύο χιτῶνας. 10 Καὶ ἔλεγεν αὐτοῖς, Ὅπου ἐὰν εἰσέλθητε εἰς οἰκίαν, ἐκεῖ μένετε ἕως ἂν ἐξέλθητε ἐκεῖθεν. 11 Καὶ §ὅσοι ἂν μὴ δέξωνται ὑμᾶς, μηδὲ ἀκούσωσιν ὑμῶν, ἐκπορευόμενοι ἐκεῖθεν, ἐκτινάξατε τὸν χοῦν τὸν ὑποκάτω τῶν ποδῶν ὑμῶν εἰς μαρτύριον αὐτοῖς. *Ἀμὴν λέγω ὑμῖν, ἀνεκτότερον ἔσται Σοδόμοις ἢ Γομόρροις ἐν ἡμέρᾳ κρίσεως, ἢ τῇ πόλει ἐκείνῃ. 12 Καὶ ἐξελθόντες †ἐκήρυσσον ἵνα ‡μετανοήσωσι· 13 καὶ δαιμόνια πολλὰ ἐξέβαλλον, καὶ ἤλειφον ἐλαίῳ πολλοὺς ἀρρώστους καὶ ἐθεράπευον.

The Death of John the Baptist

14 Καὶ ἤκουσεν ὁ βασιλεὺς Ἡρῴδης, φανερὸν γὰρ ἐγένετο τὸ ὄνομα αὐτοῦ, καὶ §ἔλεγεν ὅτι *Ἰωάννης ὁ βαπτίζων †ἐκ νεκρῶν ἠγέρθη, καὶ διὰ τοῦτο ἐνεργοῦσιν αἱ δυνάμεις ἐν αὐτῷ. 15 ‡Ἄλλοι ἔλεγον ὅτι §Ἠλίας ἐστίν· ἄλλοι δὲ ἔλεγον ὅτι Προφήτης *ἐστίν, ὡς εἷς τῶν προφητῶν. 16 Ἀκούσας δὲ †Ἡρῴδης ‡εἶπεν §ὅτι Ὃν ἐγὼ ἀπεκεφάλισα *Ἰωάννην, οὗτός ἐστιν· αὐτὸς ἠγέρθη †ἐκ νεκρῶν.

17 Αὐτὸς γὰρ ὁ Ἡρῴδης ἀποστείλας ἐκράτησε τὸν ‡Ἰωάννην, καὶ ἔδησεν αὐτὸν ἐν §φυλακῇ, διὰ Ἡρῳδιάδα τὴν γυναῖκα Φιλίππου τοῦ ἀδελφοῦ αὐτοῦ, ὅτι αὐτὴν ἐγάμησεν. 18 Ἔλεγε γὰρ ὁ *Ἰωάννης τῷ Ἡρῴδῃ ὅτι Οὐκ ἔξεστί σοι ἔχειν τὴν γυναῖκα τοῦ ἀδελφοῦ σου. 19 Ἡ δὲ Ἡρῳδιὰς ἐνεῖχεν αὐτῷ, καὶ ἤθελεν αὐτὸν ἀποκτεῖναι· καὶ οὐκ ἠδύνατο· 20 ὁ γὰρ Ἡρῴδης ἐφοβεῖτο τὸν †Ἰωάννην, εἰδὼς αὐτὸν ἄνδρα δίκαιον καὶ ἅγιον, καὶ συνετήρει αὐτόν· καὶ ‡ἀκούσας αὐτοῦ, πολλὰ §ἐποίει, καὶ ἡδέως αὐτοῦ ἤκουε.

21 Καὶ γενομένης ἡμέρας εὐκαίρου, ὅτε Ἡρῴδης τοῖς γενεσίοις αὐτοῦ δεῖπνον *ἐποίει τοῖς μεγιστᾶσιν αὐτοῦ καὶ τοῖς †χιλιάρχοις καὶ τοῖς πρώτοις τῆς Γαλιλαίας, 22 καὶ εἰσελθούσης τῆς θυγατρὸς ‡αὐτῆς τῆς Ἡρῳδιάδος καὶ ὀρχησαμένης, §καὶ ἀρεσάσης τῷ Ἡρῴδῃ καὶ τοῖς συνανακειμένοις, *εἶπεν ὁ βασιλεὺς τῷ κορασίῳ, Αἴτησόν με ὃ ἐὰν θέλῃς, καὶ δώσω σοί· 23 καὶ ὤμοσεν †αὐτῇ ‡ὅτι Ὃ ἐάν με αἰτήσῃς, δώσω σοί, ἕως ἡμίσους τῆς βασιλείας μου. 24 §Ἡ δὲ ἐξελθοῦσα εἶπε τῇ μητρὶ αὐτῆς, Τί *αἰτήσομαι; Ἡ δὲ εἶπε, Τὴν κεφαλὴν †Ἰωάννου τοῦ ‡βαπτιστοῦ. 25 Καὶ εἰσελθοῦσα §εὐθέως μετὰ σπουδῆς πρὸς τὸν βασιλέα, ᾐτήσατο, λέγουσα, Θέλω ἵνα *μοι δῷς ἐξαυτῆς ἐπὶ πίνακι τὴν κεφαλὴν †Ἰωάννου τοῦ βαπτιστοῦ. 26 Καὶ περίλυπος γενόμενος ὁ βασιλεύς, διὰ τοὺς ὅρκους καὶ τοὺς ‡συνανακειμένους οὐκ ἠθέλησεν §αὐτὴν ἀθετῆσαι. 27 Καὶ *εὐθέως ἀποστείλας ὁ βασιλεὺς †σπεκουλάτορα ἐπέταξεν ‡ἐνεχθῆναι τὴν κεφαλὴν αὐτοῦ. 28 §Ὁ δὲ ἀπελθὼν ἀπεκεφάλισεν αὐτὸν ἐν τῇ φυλακῇ, καὶ ἤνεγκε τὴν κεφαλὴν αὐτοῦ ἐπὶ πίνακι, καὶ ἔδωκεν αὐτὴν τῷ κορασίῳ· καὶ τὸ κοράσιον ἔδωκεν αὐτὴν τῇ μητρὶ αὐτῆς. 29 Καὶ ἀκούσαντες οἱ μαθηταὶ αὐτοῦ *ἦλθον, καὶ ἦραν τὸ πτῶμα αὐτοῦ, καὶ ἔθηκαν αὐτὸ ἐν μνημείῳ.

The Feeding of the Five Thousand

30 Καὶ συνάγονται οἱ ἀπόστολοι πρὸς τὸν Ἰησοῦν, καὶ ἀπήγγειλαν αὐτῷ πάντα, †καὶ ὅσα ἐποίησαν καὶ ὅσα ἐδίδαξαν. 31 Καὶ ‡εἶπεν αὐτοῖς, Δεῦτε ὑμεῖς αὐτοὶ κατ᾽ ἰδίαν εἰς ἔρημον τόπον, καὶ §ἀναπαύεσθε ὀλίγον. Ἦσαν γὰρ οἱ ἐρχόμενοι καὶ οἱ ὑπάγοντες πολλοί, καὶ οὐδὲ φαγεῖν *εὐκαίρουν. 32 Καὶ ἀπῆλθον †εἰς ἔρημον τόπον τῷ πλοίῳ κατ᾽ ἰδίαν. 33 Καὶ ‡εἶδον αὐτοὺς §ὑπάγοντας καὶ *ἐπέγνωσαν †αὐτὸν πολλοί, καὶ πεζῇ ἀπὸ πασῶν τῶν πόλεων συνέδραμον ἐκεῖ, καὶ προῆλθον αὐτούς, ‡καὶ συνῆλθον πρὸς αὐτόν. 34 Καὶ ἐξελθὼν §εἶδεν ὁ Ἰησοῦς πολὺν ὄχλον, καὶ ἐσπλαγχνίσθη ἐπ᾽ *αὐτοῖς, ὅτι ἦσαν ὡς πρόβατα μὴ ἔχοντα ποιμένα· καὶ ἤρξατο διδάσκειν αὐτοὺς πολλά.

35 Καὶ ἤδη ὥρας πολλῆς γενομένης, προσελθόντες αὐτῷ οἱ μαθηταὶ αὐτοῦ †λέγουσιν ὅτι Ἔρημός ἐστιν ὁ τόπος, καὶ ἤδη ὥρα πολλή· 36 ἀπόλυσον αὐτούς, ἵνα ἀπελθόντες εἰς τοὺς κύκλῳ ἀγροὺς καὶ κώμας ἀγοράσωσιν ἑαυτοῖς ‡ἄρτους. Τί γὰρ φάγωσιν οὐκ ἔχουσιν. 37 Ὁ δὲ ἀποκριθεὶς εἶπεν αὐτοῖς, Δότε αὐτοῖς ὑμεῖς φαγεῖν. Καὶ λέγουσιν αὐτῷ, Ἀπελθόντες ἀγοράσωμεν §δηναρίων διακοσίων ἄρτους, καὶ *δῶμεν αὐτοῖς φαγεῖν; 38 Ὁ δὲ λέγει αὐτοῖς, Πόσους †ἄρτους ἔχετε; Ὑπάγετε ‡καὶ ἴδετε. Καὶ γνόντες λέγουσι, Πέντε, καὶ δύο ἰχθύας. 39 Καὶ ἐπέταξεν αὐτοῖς §ἀνακλῖναι πάντας συμπόσια συμπόσια ἐπὶ τῷ χλωρῷ χόρτῳ. 40 Καὶ *ἀνέπεσον πρασιαὶ πρασιαί, †ἀνὰ ἑκατὸν καὶ ἀνὰ πεντήκοντα. 41 Καὶ λαβὼν τοὺς πέντε ἄρτους καὶ τοὺς δύο ἰχθύας, ἀναβλέψας εἰς τὸν οὐρανόν, εὐλόγησε, καὶ κατέκλασε τοὺς ἄρτους, καὶ ἐδίδου τοῖς μαθηταῖς ‡αὐτοῦ ἵνα §παραθῶσιν αὐτοῖς· καὶ τοὺς δύο ἰχθύας ἐμέρισε πᾶσι. 42 Καὶ ἔφαγον πάντες, καὶ ἐχορτάσθησαν· 43 καὶ ἦραν *κλασμάτων δώδεκα †κοφίνους πλήρεις, καὶ ἀπὸ τῶν ἰχθύων. 44 Καὶ ἦσαν οἱ φαγόντες τοὺς ἄρτους ‡πεντακισχίλιοι ἄνδρες.

Jesus Walks on Water

45 Καὶ §εὐθέως ἠνάγκασε τοὺς μαθητὰς αὐτοῦ ἐμβῆναι εἰς τὸ πλοῖον, καὶ προάγειν εἰς τὸ πέραν πρὸς *Βηθσαϊδάν, ἕως αὐτὸς †ἀπολύσῃ τὸν ὄχλον. 46 Καὶ ἀποταξάμενος αὐτοῖς, ἀπῆλθεν εἰς τὸ ὄρος προσεύξασθαι. 47 Καὶ ὀψίας γενομένης, ἦν τὸ πλοῖον ἐν μέσῳ τῆς θαλάσσης, καὶ αὐτὸς μόνος ἐπὶ τῆς γῆς. 48 Καὶ ‡εἶδεν αὐτοὺς βασανιζομένους ἐν τῷ ἐλαύνειν, ἦν γὰρ ὁ ἄνεμος ἐναντίος αὐτοῖς, §καὶ περὶ τετάρτην φυλακὴν τῆς νυκτὸς ἔρχεται πρὸς αὐτούς, περιπατῶν ἐπὶ τῆς θαλάσσης· καὶ ἤθελε παρελθεῖν αὐτούς. 49 Οἱ δέ, ἰδόντες αὐτὸν *περιπατοῦντα ἐπὶ τῆς θαλάσσης, ἔδοξαν †φάντασμα εἶναι, καὶ ἀνέκραξαν· 50 πάντες γὰρ αὐτὸν ‡εἶδον, καὶ ἐταράχθησαν. §Καὶ *εὐθέως ἐλάλησε μετ᾽ αὐτῶν, καὶ λέγει αὐτοῖς, Θαρσεῖτε· ἐγώ εἰμι, μὴ φοβεῖσθε. 51 Καὶ ἀνέβη †πρὸς αὐτοὺς εἰς τὸ πλοῖον, καὶ ἐκόπασεν ὁ ἄνεμος· καὶ λίαν ‡ἐκπερισσοῦ ἐν ἑαυτοῖς ἐξίσταντο, §καὶ ἐθαύμαζον. 52 Οὐ γὰρ συνῆκαν ἐπὶ τοῖς ἄρτοις· *ἦν γὰρ †αὐτῶν ἡ καρδία πεπωρωμένη.

Jesus Heals the Sick in Gennesaret

53 Καὶ διαπεράσαντες ‡ἦλθον ἐπὶ τὴν γῆν §Γεννησαρέτ, καὶ προσωρμίσθησαν. 54 Καὶ ἐξελθόντων αὐτῶν ἐκ τοῦ πλοίου, *εὐθέως ἐπιγνόντες αὐτόν, 55 †περιδραμόντες ὅλην τὴν ‡περίχωρον ἐκείνην, §ἤρξαντο ἐπὶ τοῖς *κραββάτοις τοὺς κακῶς ἔχοντας περιφέρειν, ὅπου ἤκουον ὅτι †ἐκεῖ ἐστι. 56 Καὶ ὅπου ἂν εἰσεπορεύετο εἰς κώμας ἢ ‡πόλεις ἢ ἀγρούς, ἐν ταῖς ἀγοραῖς §ἐτίθουν τοὺς ἀσθενοῦντας, καὶ παρεκάλουν αὐτὸν ἵνα κἂν τοῦ κρασπέδου τοῦ ἱματίου αὐτοῦ ἅψωνται· καὶ ὅσοι ἂν *ἥπτοντο αὐτοῦ ἐσῴζοντο.

*6:1 ηλθεν ¦ ερχεται CT

†6:1 αυτου ¦ εαυτου ANT

‡6:2 εν τη συναγωγη διδασκειν ¦ διδασκειν εν τη συναγωγη ECM† NA SBL WH

§6:2 πολλοι 98.8% ¦ οι πολλοι ECM† SBL WH 0.9%

*6:2 αυτω ¦ τουτω CT

†6:2 και ¦ οτι και TR

‡6:2 δυναμεις ¦ αι δυναμεις CT

§6:2 γινονται ¦ γινομεναι ECM NA SBL WH ¦ γεινονται TH

*6:3 μαριας ¦ της μαριας ANT CT

†6:3 αδελφος δε ¦ και αδελφος CT

‡6:3 ιωση 97.4% ¦ ιωσητος CT 1.2%

§6:4 ελεγε δε ¦ και ελεγεν CT

*6:4 συγγενεσι ¦ συγγενευσιν αυτου CT

†6:5 ηδυνατο ¦ εδυνατο CT

‡6:5 ουδεμιαν δυναμιν ποιησαι ¦ ποιησαι ουδεμιαν δυναμιν ECM NA SBL WH

§6:6 εθαυμαζε ¦ εθαυμασε WH

*6:8 πηραν μη αρτον ¦ αρτον μη πηραν CT

†6:9 αλλ ¦ αλλα NA27 SBL TH WH

‡6:9 ενδυσησθε ¦ ενδυσασθαι SCR WH ¦ ενδεδυσθαι ANT

§6:11 οσοι αν μη δεξωνται ¦ οσοι εαν μη δεξωνται ANT PCK ¦ ος αν τοπος μη δεξηται CT

*6:11 αμην λεγω υμιν ανεκτοτερον εσται σοδομοις η γομορροις εν ημερα κρισεως η τη πολει εκεινη ¦ — CT

†6:12 εκηρυσσον ¦ εκηρυξαν CT

‡6:12 μετανοησωσι ¦ μετανοωσι CT

§6:14 ελεγεν 99% ¦ ελεγον ECM NA SBL WH 0.7%

*6:14 ιωαννης ¦ ιωανης WH

†6:14 εκ νεκρων ηγερθη 91.4% ¦ εκ νεκρων ανεστη MSS 5.7% ¦ εγηγερται εκ νεκρων CT 0.7%

‡6:15 αλλοι ¦ αλλοι δε CT

§6:15 ηλιας ¦ ηλειας WH

*6:15 εστιν ¦ εστιν η TR ¦ — CT

†6:16 ηρωδης ¦ ο ηρωδης ANT CT PCK RPmg TR

‡6:16 ειπεν ¦ ελεγεν CT

§6:16 οτι ¦ — ECM† NA SBL TH WH

*6:16 ιωαννην ουτος εστιν αυτος 95.9% ¦ ιωαννην (ιωανην WH) ουτος ECM NA SBL TH 0.8%

†6:16 εκ νεκρων ¦ — CT

‡6:17 ιωαννην ¦ ιωανην WH

§6:17 φυλακη 93.2% ¦ τη φυλακη TR 5.3%

*6:18 ιωαννης ¦ ιωανης WH

†6:20 ιωαννην ¦ ιωανην WH

‡6:20 ακουσας ¦ ακουων PCK

§6:20 εποιει 98.4% ¦ ηπορει CT 0.4%

*6:21 εποιει ¦ εποιησε CT

†6:21 χιλιαρχοις ¦ χειλιαρχοις TH

‡6:22 αυτης της 96.4% ¦ αυτου ECM NA WH 0.4%

§6:22 και αρεσασης ¦ ηρεσε ECM NA WH

*6:22 ειπεν ο βασιλευς ¦ ο δε βασιλευς ειπε ECM WH

†6:23 αυτη ¦ αυτη πολλα NA

‡6:23 οτι ο ¦ ο τι ECM† NA SBL WH

§6:24 η δε ¦ και CT

*6:24 αιτησομαι ¦ αιτησωμαι CT

†6:24 ιωαννου ¦ ιωανου WH

‡6:24 βαπτιστου ¦ βαπτιζοντος CT

§6:25 ευθεως ¦ ευθυς CT

*6:25 μοι δως εξαυτης ¦ εξαυτης δως μοι CT

†6:25 ιωαννου ¦ ιωανου WH

‡6:26 συνανακειμενους ¦ ανακειμενους ECM† NA SBL TH WH

§6:26 αυτην αθετησαι ¦ αθετησαι αυτην CT

*6:27 ευθεως ¦ ευθυς CT

†6:27 σπεκουλατορα ¦ σπεκουλατωρα ANT PCK TR

‡6:27 ενεχθηναι 98.6% ¦ ενεγκαι CT 0.4%

§6:28 ο δε 97% ¦ και CT 1.1%

*6:29 ηλθον ¦ ηλθαν WH

†6:30 και ¦ — CT

‡6:31 ειπεν ¦ λεγει CT

§6:31 αναπαυεσθε ¦ αναπαυσασθε ECM† NA SBL TH WH

*6:31 ευκαιρουν ¦ ηυκαιρουν TR

†6:32 εις ερημον τοπον τω πλοιω ¦ εις ερημον τοπον εν πλοιω ANT ¦ εν τω πλοιω εις ερημον τοπον ECM NA SBL WH

‡6:33 ειδον ¦ ειδαν WH

§6:33 υπαγοντας ¦ υπαγοντας οι οχλοι TR

*6:33 επεγνωσαν ¦ εγνωσαν WH

†6:33 αυτον ¦ αυτους ANT ECM† PCK ¦ — ECM† NA SBL TH WH

‡6:33 και συνηλθον προς αυτον ¦ — CT

§6:34 ειδεν ο ιησους ¦ ο ιησους ειδε ANT ¦ ειδε CT

*6:34 αυτοις ¦ αυτους ECM† NA SBL TH WH

†6:35 λεγουσιν ¦ ελεγον CT

‡6:36 αρτους τι γαρ φαγωσιν ουκ εχουσιν ¦ τι φαγωσιν CT

§6:37 δηναριων διακοσιων ¦ διακοσιων δηναριων TR

*6:37 δωμεν ¦ δωσομεν ECM† NA SBL TH WH

†6:38 αρτους εχετε 99.5% ¦ εχετε αρτους ECM† SBL WH 0.5%

‡6:38 και ¦ — CT

§6:39 ανακλιναι 88.9% ¦ ανακλιθηναι WH 10.8%

*6:40 ανεπεσον ¦ ανεπεσαν CT

†6:40 ανα εκατον και ανα ¦ κατα εκατον και κατα NA SBL TH WH

‡6:41 αυτου ¦ — ANT ECM† WH

§6:41 παραθωσιν ¦ παρατιθωσιν ECM NA SBL WH

*6:43 κλασματων ¦ κλασματα ECM NA SBL WH

†6:43 κοφινους πληρεις ¦ κοφινων πληρωματα CT

‡6:44 πεντακισχιλιοι ¦ ωσει πεντακισχιλιοι TR ¦ πεντακισχειλιοι TH

§6:45 ευθεως ¦ ευθυς CT

*6:45 βηθσαιδαν ¦ βηθσαιδα SCR

†6:45 απολυση ¦ απολυσει PCK ¦ απολυει CT

‡6:48 ειδεν ¦ ιδων ANT CT

§6:48 και ¦ — CT

*6:49 περιπατουντα επι της θαλασσης ¦ επι της θαλασσης περιπατουντα CT

†6:49 φαντασμα ειναι ¦ οτι φαντασμα εστι CT

‡6:50 ειδον ¦ ειδαν WH

§6:50 και ¦ ο δε CT

*6:50 ευθεως ¦ ευθυς CT

†6:51 προς αυτους εις το πλοιον ¦ εις το πλοιον προς αυτους ANT

‡6:51 εκπερισσου 93.3% ¦ — ECM† TH WH 0.5%

§6:51 και εθαυμαζον 97.6% ¦ — ECM† NA SBL TH WH 1.2%

*6:52 ην γαρ ¦ αλλ ην ANT CT

†6:52 αυτων η καρδια ¦ η καρδια αυτων TR

‡6:53 ηλθον επι την γην ¦ απηλθον επι την γην ANT ¦ επι την γην ηλθον εις CT

§6:53 γεννησαρετ ¦ γενησαρετ PCK ST

*6:54 ευθεως ¦ ευθυς CT

†6:55 περιδραμοντες ¦ περιεδραμον ANT CT

‡6:55 περιχωρον ¦ χωραν CT

§6:55 ηρξαντο ¦ και ηρξαντο ANT CT

*6:55 κραββατοις ¦ κραβαττοις ANT CT

†6:55 εκει 94.9% ¦ — CT 1.3%

‡6:56 πολεις η ¦ εις πολεις η εις CT

§6:56 ετιθουν ¦ ετιθεσαν ANT CT

*6:56 ηπτοντο ¦ ηψαντο CT

Public Domain