ⅬⅡ
Nyasae natoorie Sayoni
Ⅰ 52:1: Okom 21:2,27Aye Sayoni, imoka, bwebeke chinguru, imoka!
Ee, aye Yerusalemu, omochie omochenu,
eboyie chianga chiao chinseera;
korwa bono abanto batarogeti na abatachenegeti,
tibagosoa ime yao nonya ng’ake.
Ⅱ Aye Yerusalemu, esamunse korwa ase orotu,
tenena na oikaranse aase ao.
Inwe abanto ba Sayoni,
esibore amakorogoto mwasiberetwe ase amagoti aino.
Ⅲ Aya nar’Omonene agoteeba: Inwe nigo mwaoonetigwe timwaakaneretwe kende, na nigo moraboorigwe motari goakanerwa chitaabu. Ⅳ Ee, aya nar’Omonene agoteeba: Abanto baane nigo bagendete Misiri agwo kare, bakaba abamenyi aroro, na Abaasuri bakabachanda engencho ende etarengeo. Ⅴ 52:5: Abar 2:24Ase ayio, Omonene nigo agoteeba iga: Bono ninki imbwate aiga ekero abanto baane bairirwe obosomba engencho ende etaiyo? Ee, Omonene nigo agoteeba iga: Abagaambi abwo bakobachanda nigo bakobaakera amariogi, na erieta riane nigo richayire omobaso boira kogenderera botambe. Ⅵ Ase ayio, abanto baane mbamanye erieta riane; ee, ase ayio, ase rituko riria mbamanye ng’a ninche Omonene ngokwana, inche nao inde aa.
Ⅶ 52:7: Nah 1:15; Abar 10:15; Abaef 6:15Naki amagoro abo are amaseera,
abwo bakorenta amang’ana amaya, bagoeta igoro ase ebitunwa,
abwo bakoraria omorembe,
na barenta obotomwa obore namang’ana amaya.
Nigo bakoraria ogotooreka, bateebia Sayoni:
“Nyasae oo nere okogaamba.”
Ⅷ Igwa, abarendi baino ngoaka bare eriogi,
bonsi amo nigo bagotera nomogooko,
barorire namaiso abo buna Omonene akoirana gocha Sayoni.
Ⅸ Inwe amatombe a Yerusalemu,
tera amo namariogi amanene,
ekiagera Omonene oremirie abanto baye,
obooririe Yerusalemu.
Ⅹ Omonene oorokirie okoboko kwaye ogochenu
ase amaiso ebisaku bionsi,
ne chinsinyo chionsi chi’ense nchirore ogotooreka kwa Nyasae oito.
Ⅺ 52:11: 2 Abakr 6:17Inwe aba mokobogoria ebikorero bi’Omonene,
imoka, morue aase aa,
timobaisa gokuna egento getachenegeti,
soka korwa ase egati y’omochie
oyo, mwechene inwe abanyene.
Ⅻ Ekero morasoke korwao, timokoayerera,
gose timogotama,
ekiagera Omonene natang’ane bosio bwaino;
ee, ere Nyasae bw’Abaisraeli nababwatie korwa magega abe obarendete.
Omosomba bw’Omonene ochandegete
ⅩⅢ Naama! Omosomba one naseseneke ase ogokora kwaye,
nakinigwe na koimokererigwa igoro, nabe omonene mono.
ⅩⅣ Abanto abange nigo baichanete ase engencho yaye,
ekiagera ekieni kiaye nigo giasaretigwe bobe
goetania eki’onde bwensi,
omobere oye tororekanete buna oyo o Mwanyabaanto.
ⅩⅤ 52:15: Abar 15:21Bono ebisaku ebinge mbimokumie,
na abarwoti nigo baramumekerie emenwa yabo ase engencho yaye,
ekiagera mbarore amang’ana batana goteebigwa,
na aya batana koigwa mbayamanye.