ⅬⅢ
Ⅰ 53:1: Abar 10:16; Yoh 12:38Ning’o bwegenire amang’ana aya twaraaretie?
Ning’Omonene amaanoreire okoboko kwaye?
Ⅱ Omosomba oyio nigo akinete ase obosio bwaye buna ekemeri ekerere,
na buna egesabo ki’omote kegokina korwa ase riroba eriomo,
tabwate ekieni ekiya, gose obonene bw’omobere;
ekero twamorigereretie, titwaroche
buya bonde asare bogotong’usa.
Ⅲ Ere nigo achayetwe, akaangwa nabaanto;
ere nigo arenge omonto bw’obororo, naende onarete omoichano.
Abanto nigo batubete amasio abo ng’a tibamorora;
nigo achayetwe, naintwe tokamobara ng’a oyotagwenereti kende.
Ⅳ 53:4: Mat 8:17Ekeene, ere obogoirie omoichano oyo otogwenerete intwe,
na bwetwekire obororo bwaito;
intwe nigo twamobarete ng’a oakirwe na Nyasae,
naende ng’a ere omoeire egesusuro na obororo.
Ⅴ 53:5: 1 Petr 2:24Korende nigo aagetwe chingoma ase engencho y’ogosaria gwaito,
agakoborwa ase engencho y’obobe bwaito.
Ere akaegwa egesusuro, erinde intwe tonyore omorembe,
ase ogoakwa kwaye intwe twagwenigwe.
Ⅵ 53:6: 1 Petr 2:25Intwe twensi konya twasirire buna ching’ondi chinsiru;
kera omonto nigo abwatetie enchera yaye omonyene,
n’Omonene omotwekire obobe bwaito intwe twensi.
nonya naboigo tamaanorete omonwa oye.
Buna emaanwa y’eng’ondi ekoirwa konyenywa,
na buna eng’ondi etari kwana ase omonachi bw’amarionya,
naboigo ere tamaanorete omonwa oye.
Ⅷ Korwa ase ogokorerwa bobe, na okonacherwa ekiina, akaigwa goitwa.
Ning’o ase ekiaare kiaye orengereretie
ng’a nigo arusetigwe ase ense y’abwo bare moyo,
na goakwa ase engencho y’ogosaria kw’abaanto baane?
Ⅸ 53:9: 1 Petr 2:22Akaroiserigwa embeera amo nechi’abakori amabe,
korende g akuure, agatindekwa ase abanda bagotindekwa,
ekiagera takorete amabe,
gose obong’ainereria tibwaruete ase omonwa oye.
Ⅹ Korende Omonene nigo anchete komokobora,
akamokora akaba omorwaire;
ekero arabe orure obogima bwaye bobe ekeng’wanso ki’ebibe,
nario ararore oroiboro rwaye na abe moyo amatuko amange;
ogwancha kwa Nyasae ngokoreke goetera ase amaboko aye.
Ⅺ Ere narore okwama kw’emechando y’omoyo oye na goisaneka;
ase obong’aini bwaye omosomba one omonyene oboronge
nakore abanto abange babe abanyene oboronge,
ekiagera nabogorie ebibe biabo.
Ⅻ 53:12: Mar 15:28; Luk 22:37Ase ayio, nimwatananere abange babe egetari kiaye;
ere naatanerwe ebisakorwa amo nabare ne chinguru,
ekiagera aruete obogima bwaye agakwa,
akabarwa buna noyomo bw’abasaria.
Nigo abogoretie ebibe bi’abaanto abange,
agasabera abasaria.