Ⅰ Yeso akaimoka korwa agwo, agaika chimbebe chia Boyahudi, ng’umbu ya Yorodani. Abanto abange bakamosangererekanera naende; akaborokereria aroro, buna anarete botambe.

Ⅱ Abafarisai bakamochiera, bakamobooria, “Inee! Mboronge omonto gotiga mok’aye?” Bakamoteema. Ⅲ Ere akabairaneria, “Inki Musa abachiigete?” Ⅳ 10:4: Okoir 24:1-4; Mat 5:31Bagateeba, “Musa nigo aruete ribaga koriika riruube ri’ogotigana, na komotiga.” Ⅴ Yeso akabateebia, “Ase engencho y’obokong’u bwe chinkoro chiaino nakio kiagerete abariikerete ogochika oko. Ⅵ 10:6: Omoch 1:27; 5:2Korende korwa omochakano bw’ogotongwa gw’ense Nyasae nigo atongete omosacha na omokungu. Ⅶ 10:7: Omoch 2:24Ase engencho eyio omonto natige ise na ng’ina, abwatane na mok’aye, Ⅷ na abwo babere nigo barabe omobere oyomo. Ase igo tibakoba babere naende, korende omobere oyomo. Ⅸ Naboigo ebi Nyasae abwatanirie, Mwanyabaanto tabiatanana.”

Ⅹ Naende nyomba ime aborokigwa bakabooria Yeso engencho ye ring’ana erio. Ⅺ 10:11: Mat 5:32; 1 Abakr 7:10,11Akabateebia, “Kera omonto oratige mok’aye, na kunyuoma oyonde, otomanire igoro asare: Ⅻ na omokungu karatige omosacha oye, na konyuomwa nomonto onde, nere otomanire.”

ⅩⅢ Bakamorentera abana abake, erinde anyare kobakuna; aborokigwa baye bakabatanga. ⅩⅣ Korende Yeso agachia korora, akabea mono, akabateebia, “Batige abana abake bache ase ’nde, timobaisa kobatanga, ekiagera abare buna aba, oborwoti bwa Nyasae nobwabo ⅩⅤ 10:15: Mat 18:3Ekeene nabateebirie: Onde bwensi otanyoreti oborwoti bwa Nyasae buna omwana omoke, takobosoa nonya ng’ake.” ⅩⅥ Akabaimokia, akabaagata ase amaboko aye, akabasesenia, okobeeka amaboko aye igoro ase bare.

ⅩⅦ Ekero Yeso achaaka orogendo rwaye kogenda enchera, omonto oyomo agacha bwango, akamotung’amera, akamobooria, “Omworokia omuya, inki ndakore inyare koba nomwando bw’obogima bwa kare na kare?” ⅩⅧ Yeso akamoteebia, “Inaki okondoka omuya? Onde tari omuya otatiga Nyasae bweka. ⅩⅨ 10:19: a Okong’ 20:13; Okoir 5:17; b Okong’ 20:14; Okoir 5:18; c Okong’ 20:15; Okoir 5:19; d Okong’ 20:16; Okoir 5:20; e Okong’ 20:12; Okoir 5:16Kwamanyire amachiiko: toita, totomana, toiba, toteba oborimo, tong’aina, sika iso na nyoko.” ⅩⅩ Akamoteebia, “Omworokia, ayio onsi ninyabwatete korwa obwana bwane.” ⅩⅪ Yeso akamobeta amaiso, akamwancha, akamoteebia, “Egento ekemo ngekoremete; genda, oonie ebio ore nabio bionsi, oe abataka, na aye n’obe nenibo igoro; erio oche ontunyane.” ⅩⅫ Korende ere akanyiria obosio ase ring’ana riria, akagenda n’obororo, ekiagera arenge n’eniibo enyinge.

ⅩⅩⅢ Yeso akarigereria chinsemo chionsi, agateebia aborokigwa baye, “Nabe aakong’u ase abare abanda gosoa ase oborwoti bwa Nyasae.” ⅩⅩⅣ Aborokigwa bagaichana ase amang’ana aya. Yeso akairaneria naende, akabateebia, “Abana, nabe aakong’u ase abasemeretie enibo gosoa ase oborwoti bwa Nyasae! ⅩⅩⅤ Naororo engamia goeta ase ekebao gi’esindani kobua omonda gosoa ase oborwoti bwa Nyasae.” ⅩⅩⅥ Aborokigwa baye bagaichana mono, bakaboorania, “Ning’o rende oranyare gotooreka?” ⅩⅩⅦ Yeso akabarigereria, akabora, “Ase Mwanyabaanto takonyarekana, korende ase Nyasae taibo, ekiagera onsi nigo akonyarekana ase Nyasae.” ⅩⅩⅧ Petero agachaaka komoteebia, “Rora, intwe twatigire bionsi, twagotunyanire.”

ⅩⅩⅫ Bakaba inchera, bagotiira kogenda Yerusalemu. Yeso nigo arenge obatang’aine, na barabwo bagaichana, na abamotunyanete bakairoka. Naende akaira baria ikomi na babere, agachaaka kobateebia ebirage bi’amang’ana agochia komonyoora, ⅩⅩⅩⅢ akabora, “Rigereria, ngotiira tore kogenda Yerusalemu, na Omwana-o-Mwanyabaanto nabekwe ase amaboko y’abakuani abanene na aborokia b’amariiko. Abwo nabamogambie, na bamobeke ase amaboko abanto b’Ebisaku, ⅩⅩⅩⅣ na barabwo nabamochecherie, na komoaka chinkini, na komotwera amate, na komoita akwe; magega y’amatuko atato nabooke.”

ⅩⅩⅩⅤ Yakobo na Yohana, abana ba Zebedi, bakamochiera, bakamoteebia, “Omworokia, ntorigetie otokorere rinde rionsi toragosabe.” ⅩⅩⅩⅥ Yeso akababoria, “Inki morigetie mbakorere?” ⅩⅩⅩⅦ Bakamoiraneria, “Otwanchere intwe toikaranse, oyomo ensemo y’okoboko kwao gw’okorio, na oyonde ensemo y’okoboko kwao gw’okobee, ase obonene bwao.” ⅩⅩⅩⅧ 10:38: Luk 12:50Yeso akabateebia, “Timomanyeti eki mogosaba. Inee! Namonyare konywera egekombe nkonywera inche, na kobatiswa ebatiso inche mbatisire?” ⅩⅩⅩⅨ Bakamoiraneria, “Ntonyare.” Yeso akabateebia, “Egekombe nkonywera inche imokenywere, na ebatiso ’mbatisire inche imobatiswe, ⅩⅬ korende ribaga ri’ogoikaransa ensemo y’okoboko kw’ane gw’okorio na okoboko nogw’okobee tinkonyara kobaa, otatiga abwo bagacheire barariegwe.”

ⅩⅬⅠ Ekero baria ikomi bachia koigwa aya, bagachaaka kobea Yakobo na Yohana. ⅩⅬⅡ 10:42: Luk 22:25,26Yeso akabarangeria, akabateebia, “Mwamanyire ng’a baria baabarirwe koba abagaambi b’ abanto b’Ebisaku nigo bakobagaambera ne chinguru, na abanene babo nigo bakobachiika. ⅩⅬⅢ 10:43: Mat 23:11; Mar 9:35; Luk 22:26Korende takoba bo ase more. Omonto origetie koba omonene ase more, nabe omokoreri oino. ⅩⅬⅣ Na omonto orarigie koba oyo bw’eritang’ani ase more, nabe omosomba o bonsi. ⅩⅬⅤ Inaki Omwana-o-Mwanyabaanto tachete gokorerwa, korende gokorera, na korua obogima bwaye, erinde bobe embooria y’abange.”

ⅩⅬⅥ Bagaika Yeriko. Goika Yeso agachia koba okobwatia enchera korwa Yeriko amo naborokigwa baye na omoganda omonene, omwana o Timayo, Baritimayo, oyio orenge omouko, nigo arenge oikaransete enchera ensemo, ogosaba ebiegwa. ⅩⅬⅦ Agachia koigwa ng’a Yeso Omonazareti ogoeta, agachaaka goaka eriogi, ogoteeba, “Yeso, omwana o Daudi, indorere amaabera!” ⅩⅬⅧ Abanto abange bakamotogonyera, bakamoteebia ng’a anyare gokira, korende akamenta goaka eriogi kobua, ogoteeba “Omwana o Daudi, indorera amaabera!” ⅩⅬⅨ Yeso agatenena, akabora, “Morangerie!” Bakarangeria omouko oria, bakamoteebia, “Remia enkoro yao, imoka, okorangeirie.” Ⅼ Ere agatuguta eanga yaye, agacharoka, agachiera Yeso. ⅬⅠ Yeso akamobooria, “Ninki origetie ngokorere?” Omonto oria orenge omouko akamoiraneria, “Omworokia, inyare korora.” ⅬⅡ Yeso akamoteebia, “Genda! Okwegena kwao gwakogwenirie.” Erio kegima akaba nkorora are, agatunyana Yeso kwagachia.