Ⅰ Ekero bachia goika ang’e na Yerusalemu, bagaika Betifage na Bethania, ase egetunwa ki’Emezeituni, Yeso agatoma babere baborokigwa baye, Ⅱ akabateebia, “Genda ase ekenyoro keria mokoorokera, erio kamogosoa aroro, namorore emori y’etigere esibire, etana koriinwa na monto; moyendetere. Ⅲ Na omonto karababorie: Inaki mogokora iga? Momoteebie: Omonene nayeganetie, na bwango nayeiranie naende aa.” Ⅳ Bakagenda, bakarora emori y’etigere esibire geita isiko ase enchera enene; bakayesibora. Ⅴ Abanto bande bateneine aroro, bakababoria, “Inki ekio mogokora, mogosibora emori y’etigere?” Ⅵ Bakabateebia buna Yeso abachiigete; na abwo bakabatiga bagende. Ⅶ Bakarentera Yeso emori eria y’etigere, bakaara chianga igoro asero, na Yeso akayeriina. Ⅷ Abanto abange bakaara chianga chiabo inchera; abande bakanacha chinsagia chi’emete na gochiara inchera. Ⅸ 11:9: Zab 118:25,26Abanto abatang’aine na baria baare komotunyana bagaaka eriogi, bakaboora, “Hosana! Nasesenirie oyogocha ase erieta ri’Omonene! Ⅹ Mbosesenirie oborwoti bogocha, oborwoti bwa sokoro yaito Daudi! Hosana aye ore igoro!”

Ⅺ Yeso agasoa Yerusalemu agaika ase Hekalu ime; akarigereria buya chinsemo chionsi kera egento. Korende ase engencho nigo kiarenge ekero kia mogoroba, agasoka, akagenda Bethania amo na baria ikomi na babere.

Ⅻ Rituko riare kobwatia kobakorwa Bethania Yeso akaigwa enchara. ⅩⅢ Akarora korwa are omoko ore namato, akagenda arore gose amako nareo. Agachia goika aroro tarora gento otatiga amato, ekiagera tikiarenge ekero ki’amako. ⅩⅣ Yeso agateebia omoko oria, “Korwa bono monto taria amatunda ao nonya ndinde.” Aborokigwa baye bakaigwa aya.

ⅩⅤ Bagaika Yerusalemu. Yeso agasoa ase Hekalu ime, agachaaka goseria abanto abarenge koonia na kogora aroro, agaonchorana chimesa chi’abaare goonchoreria chitaabu, na ebirogo bi’abaare koonia amaruma; ⅩⅥ tatiga monto abogorie gento ase egati ye Hekalu. ⅩⅦ 11:17: a Isaya 56:7; b Yer 7:11Akorokereria, okobateebia, “Inee! Teriikiri iga: Enyomba y’ane nerokwe enyomba y’ogosaba ase ebisaku bionsi? Korende inwe mwayekorire koba ribwago ri’abauri.” ⅩⅧ Abakuani abanene na aborokia b’amariiko bakanyora amang’ana, bakarigia enchera y’okomosiria, ekiagera bamoirogete; naki emeganda yonsi egakumia ase okworokereria kwaye. ⅩⅨ Koriaba mogoroba akarua ase omochie.

ⅩⅩ Na mambia kobagoeta, bakarora omoko oria bwomire bwonsi korwa ase emeri yaye. ⅩⅪ Petero akainyora amang’ana aria, agateebia Yeso, “Rabii, rora, omoko oria kwaragereretie bwomire.” ⅩⅫ Yeso akabairaneria, “Mobe nokwegena ase Nyasae. ⅩⅩⅢ 11:23: Mat 17:20; 1 Abakr 13:2Ekeene nabateebirie: Onde bwensi orateebie egetunwa eke: Tegoka, otugutwe enyancha ime; oyo atabeeti nogosiereria ase enkoro yaye, korende egene ng’a ayio ateeba nabe, ayio nakoreke. ⅩⅩⅣ Ase ayio nabateebirie, ebinto bionsi morasabe, egene ng’a mwabinyorire, nabirobio inabibe ebiaino. ⅩⅩⅤ 11:25: Mat 6:14,15Na inwe, ekero mogotenena na gosaba, onye more ne ring’ana ase omonto, mwabere, erinde na Iso oino ore igoro abaabere nainwe amamocho aino. [ ⅩⅩⅥ Onye inwe timokwabera, nonya n’Iso oino ore igoro takobaabera inwe amamocho aino.]”

ⅩⅩⅦ Bagaika Yerusalemu naende. Ekero Yeso are gotaara Hekalu ime, abakuani abanene, na aborokia b’amariiko, na abagaaka bakamochiera, ⅩⅩⅧ bakamobooria, “Nase okobua ki ogokorera aya?” ⅩⅩⅨ Yeso akabateebia, “Nainche nimbaborie ring’ana erimo, nainwe mong’iranerie, erio nimbateebie ase okobua ki ngokorera aya. ⅩⅩⅩ Ebatiso ya Yohana, niigoro yarwete igoro, gose nase Mwanyabaanto? Ng’iranerie.” ⅩⅩⅪ Bagateebania barabwo ase barabwo, bakaboora, “Toise goteeba: Niigoro yarwete, nigo aratoboorie: Inaki rende motamwegenete? ⅩⅩⅫ Gose toise goteeba: Nase Mwanyabaanto yarwete?” — Bakairoka abanto, ekiagera abanto bonsi mbaroche ng’a Yohana nomobani bw’ekeene. ⅩⅩⅩⅢ Ase ayio bakairaneria Yeso, “Titomanyeti.” Na Yeso akabateebia “Nonya ninche tinkobateebia inwe nase okobua ki ngokorera aya.”