Ⅰ Omonene, gaki ayerera totoorie!

Abakoirogete aye Nyasae baerire,

abegenwa tibari konyorekana ase Mwanyabaanto.

Ⅱ Abanto bonsi nigo bagoteebania amang’ana ’oborimo;

nigo bare okong’o nyamenwa ebere na gokwana amang’ana ay’okweansia.

Ⅲ Aye Omonene, koranche kiria emenwa y’abwo egokwana amang’ana ’okweansia,

ne chimeme chi’abwo bagwetogia ase amang’ana y’oboenenu.

Ⅳ Barabwo nigo bagoteeba: “Ase amang’ana ’emenwa yaito ntore ne chinguru,

aya togokwana nigo agotokonya.

Ning’o ore Omonene gotobua?”

Ⅴ Omonene nigo agoteeba iga:

“Bono ninchiche, ekiagera abataka baregirwe na abaremerwa nkorera bare.

Nindwe oborendi obuya kegima ase abwo basemeretie kobonyora.”

Ⅵ Amang’ana ’Omonene nigo are ay’obwegenwa naende n’amaachenu,

nigo agwekaine efeta yasambirwe ase riera ri’omorero na koumorwa inse,

yachenirwe ara gatano na kabere.

Ⅶ Aye Omonene, otorende!

Otorende botambe korwa ase obobe bw’ekegori eke.

Ⅷ Abakori amabe nigo bagoetanana chinsemo chionsi,

na obonyaka bonde bwonsi botogigwa ase egati ya Mwanyabaanto.