Ⅰ Omonene, ngoika ririri oragenderere konyeba? Ngoika kare na kare?

Ngoika ririri orabe kobisete obosio bwao ng’a tondora?

Ⅱ Ngoika ririri ndabe ndemereretie emechando ase omoyo one,

imbe nobororo ase enkoro yane rituko ase rituko?

Ngoika ririri omobisa one arabe okogokera emechando yane?

Ⅲ Aye Omonene, aye Nyasae one, ondigererie,

ong’iranerie ase ogosaba kwane!

Ondamokie amaiso aane,

timbaisa korara chitoro chi’amakweri.

Ⅳ Totiga omobisa one ateebe ng’a ombuire,

na ababisa baane bonsi bachengere okogwa kwane.

Ⅴ Ninsemerie obwanchani bwao botari koera,

enkoro yane negokere ogotooreka gokorwa asore.

Ⅵ Ningoterere aye Omonene,

ekiagera gwankoreire amaya amange.