Ⅰ Togia Omonene!

Nasesenirie omonto oyio omoirogete Omonene,

na ogokirie mono koigwera amachiiko aye.

Ⅱ Oroiboro rwaye ’ndobe n’okobua ase ense;

ekiaare ki’abare ne chinkoro chindonge ’ngesesenigwe.

Ⅲ Obotenenku na obonda ’mbibe ase enyomba yaye,

na oboronge bwaye ’mbogenderere kobao botambe.

Ⅳ Buna koreng’ana omobaso okobara ase omosunte, Omonene nabo ogochera abanyaboronge,

ore nobuya, n’amaabera, na oboronge.

Ⅴ Nasesenirie omonto ore n’amaabera na okorua ebinto singo,

boigo ogokora amang’ana aye onsi ase oboronge.

Ⅵ Omonyaboronge takonyegerigwa nonya ng’ake,

nabe okoinyorwa kare na kare.

Ⅶ Ere takwoboa kagotebigwa amang’ana amabe,

enkoro yaye nigo ere endemu esemeretie Omonene.

Ⅷ Enkoro yaye teri koirianyeka gose kwoboa,

ere nigo akoremereria goika abachaandi baye babugwe.

Ⅸ 112:9: 2 Abakr 9:9Ere nigo akoa abataka ebiegwa ore n’omoyo omorabu;

oboronge bwaye ’mbogenderere kobao kare na kare;

orogunchara rwaye ’ndokiine ase ogosikwa.

Ⅹ Ekero omonto omonyabibe akorora ayio, nigo agoichana ogeechigwa,

oriania amaino aye, orea osira.

Okogania kw’omonyabibe nigo kogosira.