Ⅰ Motogie Omonene!

Inwe abasomba b’Omonene, motogie,

ee, ritogie erieta riaye!

Ⅱ Erieta ri’Omonene ritogigwe

korwa bono goika kare na kare!

Ⅲ Erieta ri’Omonene ribe rigotogigwa

korwa ekero risase rikooroka goika ekero rikorimera!

Ⅳ Omonene nigo are omonene igoro ase ebisaku bionsi,

na obonene bwaye nigo boetanaine igoro chionsi.

Ⅴ Ning’o onga buna Omonene, Nyasae oito,

oria omenyete aaria igoro mono,

Ⅵ na origereretie goocha inse aa arore igoro na ense.

Ⅶ Nigo akoimokia omotaka korwa ase obotaka obwere,

na koimokia omoremerwa korwa ase ribu,

Ⅷ obabeeka baikaransa amo n’abwo bare n’okobua,

baria bakogambera abanto baye.

Ⅸ Nigo akoa omokungu omogomba chinguru chi’okoibora,

oba n’omogooko ase obomenyo bwaye.

Omonene atogigwe!