Ⅰ “Ababisa nigo batochaandete korwa oboke bwaito.”

Nabo Abaisraeli bagoteeba.

Ⅱ “Ee, barabwo nigo batochaandete korwa oboke bwaito,

korende tibana‐gotobua.

Ⅲ Bakang’ororia emegongo yaito buna emegondo.

Bakayetambeyia emeng’ororia yaabo.”

Ⅳ Omonene nigo are omonyene oboronge,

ere obutoire chingori chi’abakori amabe.

Ⅴ Abwo bonsi bageechete Sayoni,

taga basookigwe na koiranigwa magega.

Ⅵ Barabwo tiga babe buna obonyansi bore kerama igoro,

bogosusana botarakina;

Ⅶ tibori goichora okoboko kw’omosangereria,

gose kobogwa omosaima okoboko.

Ⅷ Abanto bagoeta inchera tibakonyaara goteeba,

“Omonene abasesenie!”

Gose goteeba, “Nkobasesenia tore inwe ase erieta ri’Omonene!”