Ⅰ Aye Omonene, nigo nkorera asore, korwa ase chindiba ime.

Ⅱ Omonene, igwa eriogi riane;

tegerera oigwe eriogi ri’ogosaba kwane.

Ⅲ Aye Omonene, onye ’nkware gokora omobaro bw’ebibe,

ning’o ore konyaara gotenena ase obosio bwao?

Ⅳ Korende aye nigo ore omwaberi,

erinde onyaare koirokwa.

Ⅴ Inche nigo ’nganyete Omonene,

ee, omoyo one nigo omoganyete;

nigo ’nsemeretie ring’ana riaye.

Ⅵ Omoyo one nigo oganyete Omonene, kobua buna abarendi bakoganya ogokiamoka,

ee, kobua abarendi baganyete ng’a bokie.

Ⅶ Inwe Abaisraeli, mosemerie Omonene,

ekiagera Omonene nigo are nobwanchani bogendererete botambe,

na ogotooreka okonge nigo gokorwa asare.

Ⅷ 130:8: Mat 1:21; Tito 2:14Ere naboorie Abaisraeli korwa ase ebibe biabo bionsi.