Ⅰ Nigo ’nkorera neriogi ase ogokorangeri’Omonene,

naaka eriogi ase okomosaba amaabera.

Ⅱ Nigo ’nkorenta obokong’u bwane ase obosio bwaye

na komoteebia emechando yane.

Ⅲ Ekero ’nkoba buna oyo okogireka,

aye nomanyete ase ’ngoetera.

Agwo ase ’ngoeta ababisa bambeekeire amareba.

Ⅳ Ekero ’nkorigereria ase ensemo yane y’okorio,

tindi korora monto aroro ogonkonya;

gose tindi korora aase ’ndatamere,

monto onde tari okonyechaandera.

Ⅴ Aye Omonene, nigo ’nkorera asore;

nigo ’ngoteeba: Naye ore obotamero bwane,

na egetare kiane aiga ase ense y’ abanto bare moyo.

Ⅵ Tegerera oigwe ekerero kiane,

ekiagera nachaandekire mono!

Ntoorie korwa ase abanto abwo bagonchaanda,

ekiagera nigo babwate chinguru kombua.

Ⅶ Osibore omoyo one korwa ase obosibwa,

erinde imbe ’ngotogia erieta riao.

Abanyene oboronge ’mbang’etanane, ekiagera gwankoreire amaya.