Ⅰ Aye Omonene, oigwe ogosaba kwane;

ase engencho y’oboronge bwao otegerere ogosorora kwane,

ong’iranerie ase engencho y’obwegenwa bwao.

Ⅱ 143:2: Abar 3:20; Abagl 2:16Tobaisa kong’ira inche omosomba oo ase ekegambero,

ekiagera ase abwo bare moyo onde tari ore omooronge asore.

Ⅲ Omobisa one obeire okorigia omoyo one;

obeire ogontiringera inse ase amaroba,

ong’ikaransirie ase omosunte,

nabeire buna omonto okwete kare.

Ⅳ Ase ayio omoika ore ime yane oborirwe chinguru,

na enkoro yane yairianyekire.

Ⅴ Nigo ’nkoinyora amatuko a kare,

na korengereria igoro y’ogokora kwao gwonsi,

naba ’nkona‐koiranerera emeremo y’amaboko ao.

Ⅵ Nigo ’nkorambora amaboko aane goocha asore,

omoyo one nigo ore nerang’o asore,

buna riroba rirang’ete embura.

Ⅶ Aye Omonene, ing’iranerie bwango!

Omoika ’nkong’erera ore!

Tombisa obosio bwao

mbaise koba buna abwo bakogeenda ase abakuure.

Ⅷ Kera emambia omanyie obwanchani bwao bogenderere botambe,

ekiagera naye ’nyegenete.

Inyorokererie enchera ’ngwenerete kobwatia,

ekiagera narure omoyo one asore.

Ⅸ Aye Omonene, ’ntoorie korwa ase ababisa baane;

nagotameire ombise.

Ⅹ Inyorokererie imanye gokora ogwancha kwao,

ekiagera naye ore Nyasae one!

Tiga Omoika oo omuya ondaae ase enchera ere endonge.

Ⅺ Aye Omonene, ing’a obogima oboyia ase engencho y’erieta riao;

na ase engencho y’oboronge bwao

rusia omoyo one korwa ase emechando.

Ⅻ Ase engencho y’obwanchani bwao bwa botambe, siria ababisa baane;

basirie kegima bonsi abagochaanda omoyo one,

ekiagera inche nigo ’nde omosomba oo.