Ⅰ Atogigwe Omonene, oyore egetare kiane;

bworokereirie amaboko aane amanye korwana esegi,

ne ebiara bimanye korwana.

Ⅱ Ere nomwegenwa ase ’nde, naende norwaki rwane,

obwebiso bwane obokong’u na Omobooria one.

Ere nenguba yane, nere ’ngotamera,

ekiagera nabeeke abanto baane inse yane banyigwere.

Ⅲ 144:3: Ayubu 7:17,18; Zab 8:4Aye Omonene, omonto ninki aisaine goika okomwechaandera,

gose Mwanyabaanto ninki are, aye okomorengereria?

Ⅳ Omonto nigo are buna omooki,

amatuko aye nigo anga buna omorengari ogoeta.

Ⅴ Omonene, kumba igoro chiao ochiche inse aa!

Kuna ebitunwa, erinde bisokie erioki.

Ⅵ Mesia chinkoba chiao oserebanie ababisa,

ruta chinsara chiao obasirie kegima!

Ⅶ Rambora okoboko kwao korwa agwo igoro,

ondusie na ontoorie korwa ase amaache aya amange,

na korwa ase amaboko y’ abanto b’echinse chingeni,

Ⅷ abwo bagokwana oborimo nemenwa yaabo,

na amaboko abo a borio agokora obong’ainereria.

Ⅸ Aye Nyasae, ningoterere ogoteera okoyia,

ninkobugerie obokano bore ne chinge ikomi.

Ⅹ Aye nigo okoa abarwoti obobui,

naye gwatooretie Daudi, omosomba oo, korwa ase omoro bw’obobe.

Ⅺ Ondusie na ontoorie korwa ase amaboko y’ abanto b’echinse chingeni,

abwo bagokwana oborimo nemenwa yaabo,

na amaboko abo a borio agokora obong’ainereria.

Ⅻ Tiga abamura baito ase oboke bwabo

babe buna ebimeri biakinire bire ne’chinguru,

na abaiseke baito babe buna ebisigisa bie chikoona

bibaachire buya bikogwenera chinyomba chi’oborwoti.

ⅩⅢ Tiga ebiage biaito biichore chindagera, bigaache chindagera ao ao,

ne ching’ondi chiaito chire ase ebitii chibiare chilifu ne chilifu.

ⅩⅣ Tiga chiombe chiaito chibe ne’chinguru,

ende tebaisa korekera, gose goochia bogima.

Ekerero kende gionsi tikeba ase chinchera chiaito.

ⅩⅤ Mbare n’omogooko abanto bakonyora ogosesenigwa okwo.

Ee, ’mbare n’omogooko abanto abw’Omonene are Nyasae obo.