Ⅳ
Ogosasiima kore igoro
Ⅰ Erio magega y’ayio nkarigereria, nkarora egesieri keigoire igoro. Na eriogi eri naigwete ritang’ani rigakwana nainche buna eriogi ri’egetureeri, rikobora, “Tiira gocha aa, inche nkworokie amang’ana agwenerete gokoreka magega y’ayio.” Ⅱ 4:2: Ezek 1:26-28; 10:1Erio kegima, kambogoirie n’Omoika, nkarora ekerogo ki’obonene kebekire igoro, na oyomo oikaransete ase ekerogo keria. Ⅲ Ere oyoikaranseteo nigo agwekaine rigena rie rigori ria yasipi na ria saridio, na ekerogo keria ki’obonene nigo giaetananire nomokubinyongo bw’embura, okororekana buna rigena ria sumaridi. Ⅳ Ekerogo keria ki’obonene nigo giaetananire nebirogo emerongo ebere na bine bi’obonene, na ase ebirogo biria mbarengeo abagaaka emerongo ebere na baane baikaransete, babeekeire chianga chindabu. Ase emetwe yabo mbarenge ne chigutwa chi’echitaabu. Ⅴ 4:5: a Okong’ 19:16; Okom 8:5; 11:19; 16:18; b Ezek 1:13; c Okom 1:4; Zak 4:2Na korwa ase ekerogo keria ki’obonene bikaruao okomesa na okogukura, na ogoaka gw’enkoba. Bosio bw’ekerogo keria ki’obonene chitaaya isano na ibere chiare gwoka, na chirochio nemeika etano na ebere ya Nyasae. Ⅵ 4:6: Ezek 1:224:6: Ezek 1:5-10; 10:14Na bosio bw’ekerogo keria ki’obonene nigo arenge aase buna enyancha egwekaine ekerore gekomeka‐meka.
Agwo gati‐gati goetanana ekerogo keria ki’obonene nchiarengeo ching’iti inye chire moyo, chiichire amaiso bosio na magega. Ⅶ Eng’iti ye ritang’ani ere moyo nigo yagwekaine endo, na eya kabere nigo yagwekaine emori, na eya gatato nigo yabwate obosio buna obw’omonto, na eya kane nigo yagwekaine ensoti ekoiruruka. Ⅷ 4:8: a Ezek 1:18; 10:12; b Isaya 6:2,3Ne ching’iti chiria inye chire moyo, kera eyemo niyo yarenge ne chimbaaba isano nemo, naende chiichire amaiso ase chinsemo chionsi, ime na isiko. Na chirochio tichiri gotimoka mobaso gose botuko goteeba,
“Omochenu, Omochenu, Omochenu, Omonene Nyasae Omobui,
oyorengeo, na oyoreo, na oyorache kobao!”
Ⅸ Na engaki ende yonsi ching’iti chiria chire moyo chikomotogia ere oyoikaransete ase ekerogo ki’obonene, na komoa ogosika, na komoakera ng’a mbuya mono, ere oyore moyo goika kare na kare, Ⅹ abagaaka baria emerongo ebere na baane bagotung’ama ase obosio bwaye oyoikaransete ase ekerogo ki’obonene, na komosasiima ere oyore moyo goika kare na kare. Barabwo nigo bakoruta chigutwa chiabo bosio bw’ekerogo keria ki’obonene, bagoteeba,
Ⅺ “Aye Omonene Nyasae oito,
kwagweneire konyora obonene, na ogosikwa, na okobua,
ekiagera aye naye gwatongete ebinto bionsi;
na ekiagera ase ogwancha kwao nigo biabeete aroro, na bigatongwa.”