Ⅴ
Egetabu na Emanwa y’Eng’ondi
Ⅰ 5:1: Ezek 2:9,10; Isaya 29:11Erio nkarora ase okoboko gw’okorio kw’oyoikaransete ase ekerogo ki’obonene egetabu eriikire ime na isiko, yabekirwe ebimanyererio bitano na bibere. Ⅱ Naende nkarora omomalaika bw’echinguru okoraria neriogi rinene, ogoteeba, “Ning’o ogwenerete koigora egetabu, na gosansora ebimanyererio biaye?” Ⅲ Na onde tarenge igoro, gose ase ense, gose inse y’ense oyogwenerete koigora egetabu, gose koyerigereria. Ⅳ Na inche nkarera mono, ekiagera onde tarorekanete ogwenerete koigora egetabu eria, na koyerigereria. Ⅴ 5:5: a Omoch 49:9; b Isaya 11:1,10Na oyomo bw’abagaaka baria aganteebia, “Torera, rora Endo y’egesaku kia Yuda*5:5 Endo y’egesaku kia Yuda: erieta rinde ri’Omotooria oito rikworokia ng’a nere ore ne chinguru, Ritina ria Daudi, obuire, nere oranyare koigora egetabu eria na gosansora ebimanyererio biaye bitano na bibere.”
Ⅵ 5:6: a Isaya 53:7; b Zak 4:10Erio nkarora Emanwa y’Eng’ondi, oteneine gati y’ekerogo ki’obonene ne ching’iti chiria inye chire moyo, na gati‐gati y’abagaaka; nere ororekanete buna oyonyenyetwe. Nigo arenge ne ching’unchara isano na ibere na amaiso atano na abere, ayare emeika etano na ebere ya Nyasae, yatomirwe ase ense yonsi. Ⅶ Emanwa y’Eng’ondi agaacha, akabogoria egetabu eria korwa ase okoboko gw’okorio kw’oyoikaransete ase ekerogo keria ki’obonene. Ⅷ 5:8: Zab 141:2Goika agachia kobogoria egetabu eria, ching’iti chiria inye chire moyo chigatung’ama amo nabagaaka baria emerongo ebere na baane ase obosio bw’Emanwa y’Eng’ondi. Kera oyomo obo narenge nobokano na ebitaabo bie chitaabu biichire ubani nero nogosaba kw’abachenu. Ⅸ 5:9: Zab 33:3; 98:1; Isaya 42:10Barabwo nigo baare goteera ogoteera okoyia, bagoteeba,
“Kwagweneire aye kobogoria egetabu
na gosansora ebimanyererio biaye,
ekiagera aye nkwanyenyetwe, na ase amanyinga ao
okamogorera Nyasae abanto ba kera eamate, na omonwa,
na abanto, na egesaku,
Ⅹ 5:10: Okong’ 19:6; Okom 1:6okabakora bakaba ab’oborwoti na abakuani ase Nyasae oito,
na barabwo nigo baragambe ase ense.”
Ⅺ 5:11: Dan 7:10Erio nkarigereria, nkaigwa egeturi ki’abamalaika abange abarenge baetanaine ekerogo keria ki’obonene ne ching’iti chiria chire moyo, na abagaaka baria; na omobaro obo nigo orenge chilifu ikomi ara chilifu ikomi, ne chilifu ara chilifu. Ⅻ Barabwo bagateeba ase eriogi rinene, “Emanwa y’Eng’ondi oyonyenyetwe igo ogweneire konyora okobua, na obonda, na obong’aini, ne chinguru, na ogosikwa, na obonene, na ogotogigwa.” ⅩⅢ Naende nkaigwa kera egetongwa ekere igoro, na ekere ase ense, na inse y’ense, na igoro y’enyancha na imeo, kegoteeba, “Asare ere oyoikaransete ase ekerogo ki’obonene, na ase Emanwa y’Eng’ondi ogotogigwa, na ogosikwa, na obonene, na okobua goika kare na kare!” ⅩⅣ Ne ching’iti chiria inye chire moyo chikabora, “Amina!” Na abagaaka baria bagatung’ama, bagasasiima.
Ⅴ:Ⅰ 5:1: Ezek 2:9,10; Isaya 29:11
Ⅴ:Ⅴ 5:5: a Omoch 49:9; b Isaya 11:1,10
*Ⅴ:Ⅴ 5:5 Endo y’egesaku kia Yuda: erieta rinde ri’Omotooria oito rikworokia ng’a nere ore ne chinguru
Ⅴ:Ⅵ 5:6: a Isaya 53:7; b Zak 4:10
Ⅴ:Ⅷ 5:8: Zab 141:2
Ⅴ:Ⅸ 5:9: Zab 33:3; 98:1; Isaya 42:10
Ⅴ:Ⅹ 5:10: Okong’ 19:6; Okom 1:6
Ⅴ:Ⅺ 5:11: Dan 7:10