100
खीए म्हाँया खोंयोंन् बिलै तरिम्
धन्यबाद पिंबै भजन घ्रि।
1 ओ ताँन् ह्युलर्बै म्हिमैं याहवेहए मिंर सैं तोंदै कै तेसि ओरद्!
2 सैं तोंदै याहवेह फ्योद्!
सैं तोंबै क्वे प्रिंसि खीए उँइँर खो!
3 याहवेहन् परमेश्वर ग बिसि ङो सेद्!
खीजीन् ङ्योलाइ खीए म्हिमैं तल् पिंइ, ङ्यो खीलन् ग,
छतसि ङ्यो खीए म्हिमैं नेरो खीए खर्गर्बै क्युमैं ग।
4 धन्यबाद पिंदै खीए तगरउँइँले न्होंर होंन्,
धै खीए मिं क्वेदै खीए ह्युमैंर ह्याद्!
धै खीए मिं थेब् लदै धन्यबाद पिंन्,
5 तलेबिस्याँ याहवेह स्वाब मुँ,
खीए म्हाँया खोंयोंन् बिलै तरिमुँ,
पुस्ता-पुस्ता समान् ङ्योइ खीए फिर भर लल् खाँम्।✡100:5 १ इति १६:३४; २ इति ५:१३; ७:३; एज्रा ३:११; भज १०६:१; १०७:१; ११८:१; १३६:१; यर ३३:११