2 'Iya tukaritsie, Yawé 'iteɨrieya meukuyɨra witsipɨ'aneni meta witsipɨtiyuxexeiyani, kwiepa timieme 'ikwaxi puwatemawieritɨani keyupaɨmetɨ 'ixaheritsixi memɨtawikweni. 3 Hikɨ kemɨ'ane Tsiyunitsie 'ayenieretɨ muyuhayewa meta kemɨ'ane Kerutsaremetsie 'ayenieretɨ muyuhayewa mɨkɨ Memɨpatsietɨka mepɨtetetewaka, meta mepaye'uxani Kerutsaremetsie tukari memexeiyanikɨ. 4 Ti'aitame Yawé 'iyari tiyu'uximatɨwamekɨ meta 'iyari taikɨ mɨtiyuxɨtsitɨwakɨ, Yawé Tsiyuni niwemama 'ɨimarixi kaniwahauximɨkɨ titakɨ memɨkate'itiyatɨkateikɨ meta xuriya pakuyeitɨani Kerutsareme kepaɨmetɨ makuxuaweni. 5 Hikɨ Yawé hai kɨtsiyari pɨtawewieni tukarikɨ mieme meta tai kwinimieme 'anutatetereme tɨkarikɨ mieme, Tsiyuni hɨriyaritsie meta kemɨ'ane mana memuyutixexeɨriwa yunaime waheima. Naime xawatɨriya heima panukawereni 'ɨkari 'atsuitɨ 6 mɨkɨ mɨwaranukanakakɨ, tukarikɨ mɨ'etɨriwiekakɨ, muwa'awietanikɨ wiyerikɨ meta wiyeri mɨ'ekama hepaɨtsita.