16
Jerusalem Hlangboel ham Bomcennah
Rom 15.25,26Hlangcim rhoek ham congcoi kawng te Galati hlangboel rhoek ka uen bangla nangmih khaw saii uh van. Nangmih pakhat rhip te yalh khat dongah a hoeikhang atah pakhat khaw amah loh khueh saeh lamtah tung saeh. Te daengah ni ka pawk vaengah congcoi a om pawt eh. Ka pawk vaengah hlang na hmoel uh mako. Te rhoek te nangmih kah lungvatnah aka phuei ham capat neh Jerusalem la ka tueih eh. Kamah khaw ka caeh koi la a om atah kamah neh ka cet uh bitni.
Paul Kholong Caeh ham Cai
Clt 19.21Makedonia ah khaw ka pah ham dongah Makedonia ah ka pah phoeiah ni nangmih taengla ka pawk eh. Nangmih taengah ka di vetih sikca ka boek mai ni. Te daengah ni mela ka caeh khaw kai nan thak uh eh. Tahae kah caehlam ah nangmih hmuh ham ka ngaih moenih. Boeipa loh m'paek atah nangmih te a tue kolkalh khaw oei ham ka ngaiuep. Tho 23.15-21; Olr 16.9-11 Clt 19.8-10Tedae Pentekos due tah Ephesa ah ka om ni. Thohka tah kai hamla a len neh khuekcet la a ong dae muep a kingkalh uh. 10  1Ko 4.17Tedae Timothy ha pawk atah ngaithuen uh lamtah nangmih taengah hoel om saeh. Boeipa kah bibi te kai bangla a saii van. 11 Te dongah pakhat long khaw anih te hnaelcoe uh boeh. Amah te nan thak uh daengah ni kai taengah sading la ha pawk eh. Amah neh manuca rhoek te ka lamtawn. 12 Manuca Apollos te manu rhoek neh nangmih taengla pawk sak ham amah khaw puet ka hloep. Tedae tahae ah ha pawk ham ngaih loengloeng pawt cakhaw a hoeng hoep vaengah ha pawk bitni.
Oluen Hnukkhueng
13 Hak uh laeh. Tangnah dongah cak uh lamtah thinrhim la rhaang uh laeh. 14 Nangmih kah a cungkuem tah lungnah dongah om saeh. 15  1Ko 1.16Manuca rhoek nangmih te kan hloep coeng. Stephen kah imkhui te Akhaia kah thaihcuek neh hlangcim rhoek bongyong ham amah te aka hmoel uh ni tila na ming uh. 16 Boe na ngai uh van daengah ni amih bangla huek na bongyong vetih na thakthae uh thai eh. 17 Stephen, Fortunat, Akhaiku ha lonah te khaw ka omngaih coeng. Nangmih kah vawtthoeknah khaw te rhoek long ni a cung sak. 18 Kamah neh nangmih kah mueihla he a caih sak. Te dongah amih te ming uh.
Olbawtnah
19  Clt 18.2Asia kah hlangboel rhoek loh nangmih n'toidal uh. Aquila, Priska neh a im kah hlangboel loh Boeipa ming neh nangmih te anah la n'toidal uh. 20 Manuca boeih loh nangmih te n'toidal uh. Khat neh khat moknah cim neh toidal uh. 21 Kamah Paul kut neh toidalnah ka khueh. 22 Khat khat loh Boeipa te a lungnah pawt atah kosi yook saeh.
Maranatha [ka Boeipa halo laeh].
23 Boeipa Jesuh kah lungvatnah nangmih taengah om saeh. 24 Kai kah lungnah tah Khrih Jesuh ming neh nangmih taengah boeih om saeh.

16:1 Rom 15.25,26

16:5 Clt 19.21

16:8 Tho 23.15-21; Olr 16.9-11

16:8 Clt 19.8-10

16:10 1Ko 4.17

16:15 1Ko 1.16

16:19 Clt 18.2