1 He a om van neh manghai taengom, amah huiko Lysias tah uknah aka hutnah loh dongah aka thoeng hno soah a konaeh. 2 Te dongah rhalkap thawng sawmrhet te amahkah marhang caem te boeih a oi tih Judah rhoek te a paan. Khopuei te khaw Greek rhoek kah im la khueh ham, 3 a tloe namtom bawknah hmuen kah a khueh bangla bawkim kah hlang mangmu te khaw loh hamla, kum takuem khosoh boei hut te tangka la yoih ham cai. 4 Anih loh Pathen kah thaomnah te bangla nawtna pawt tih rhalkap thawng rha, marhang caem thawng khat, vuei sawmrhet a khueh dongah ni a hmae. 5 Judea a muk vaengah tah Bethzur te a paan. Te tah hmuencak la om tih Jerusalem lamloh khotuk panga tluk hla tih a kuel cakue la a muk.

6 Lysia loh hmuencak a dum ol te Makkabi neh a hlang rhoek loh a yaak. Amih khaw pilnam boeih khaw nguekcoinah neh mikphi neh Israel aka khang ham puencawn then han tueih saeh tila Boeipa taengah thangthui uh. 7 Makkabi amah rhoe loh caempho te lamhma a muk tih a hingnah voeih ham neh a huiko bom hamla a tloe rhoek te a hloep. Te vaengah thahlue la huek cu uh. 8 Te te Jerusalem neh a yoei uh vaengah tah a lu soa marhang hlang tarha thoeng. Himbai bok a bai tih sui kutpom te laklak pha. 9 Te dognah sitlohnah Pathen te huek a koeh uh tih a thinko ah thadueng om uh. Te vaengah tah hlang bueng kolla khohong rhamsa neh thi vongtung khaw muk ham sikim uh coeng. 10 Boeipa loh amih te a rhen uh coeng dongah vaan rhalkap te amih te caemtloek rhongpai dongah tanglue uh. 11 Amih te sathueng bangla rhal te a cuk uh thil dongah rhal thawng hlai khat neh, marhang caem thawngkhat ya rhui te a ngawn uh. A tloe rhoek te tah boeih yong uh. 12 Amih a kum ngaih te pumtling neh salaem la yong uh tih Lysias amah khaw yahhat la rhaelrham van.

13 Anih he khaw a lungcuei a om pawt aih moenih. Amah a yawk tih a cungku te a thuep vaengah, Hebrew rhoek tah tatloel la a om amih taengah Pathen tlungthang a om dongah ni tila a poek. 14 Te dongah amih te ol a pat tih, olka boeih dongah khaw a tiktam la khueh ham amih te hloeih. Amih te paya la om sak ham manghai boei khaw ka hloep bitni tila ol a khueh. 15 Makkabi long rhangpuei kah a then ham koila a poek dongah Lysias kah a bih boeih te ko a vai puei. Judah rhoek yueng la Makkabi loh Lysia taengah capat neh a bih boeih te tah manghai long khaw a rhoi pah.

16 Judah rhoek loh Lysia taengla ca a pat dongah tah he tlam he om nah,

Lysisa loh Judah pilnam boeih te kut kan tuuk. 17 Johan neh Abslom te nangmih taengla kan tueih lah ko. pawnhlainah neh kutnoek te hang khuen tih olka khaw a thuinuet coeng lah ko. 18 Amah taengla khuen a kuek boeih te tah a cungkuem la manghai taengah ka thui coeng tih anih long khaw a coeng thai khuila han rhoi coeng. 19 Ukkung taengah na boethen te phat na khueh mak atah, nangmih ngoengaihnah dongah khaw, hmailong ah ta-aep bom ham ka tlungmu bitni. 20 Te olka neh tukkai tih he kah hlang rhoi he a tip la ka uen phoeiah ni kai yuengla nangmih taengah kan tueih. 21 Sading la, Dioscotinthius pakul pali, kum ya kum sawmli kum rhet,” ti la om

22 Manghai kah capat tah he tla mael nah,

Manghai Antiokus loh a manuca Lysias te kut kan tuuk. 23 A pa he tah pathen rhoek taengla cet coeng. Ram he amah kuek ngoenah dongah kohuet la a om he ka ngaih moenih. 24 Judah rhoek he tah a pa rhoek kah Gree khosing la om ham a naep uh moenih tila ka yaak. Tedae amah khosak long a ngaih ngaih amah khosing neh a bih bangla amih te ka om sak. 25 Namtu he kholumlawknah lamloh loeih saeh tila ka tuek uh coeng. A bawkim khaw amah taengla mael saeh lamtah amamih khaw a napa rhoek kah khosing bangla khosa uh saeh ti he ni kaimih kah oltloeknah aka om coeng. 26 Te dongah a then la saii nawn. Amih taengah ol pat lamtah paya bihnah te amih taengah pae. Te daengah nih mamih kah poeknah a ming uh vetih omngaih omloe la a om uh eh. Amamih kah bitat pongthohnah dongah kohoe la a pongpa uh eh.

27 Manghai loh namtu taengah a dangkah bangla ca a pat.

Manghai Antiohus loh Judah a hamca rhoek neh a tloe Judah boeih te kun kan tuuk. 28 Nangmih na then ham he ni kaimih kah ngaihnah khaw a om. Kaimih khaw sadingah neh a then ka om uh ngawn. 29 Im la na mael uh vetih namamih kah bitat ngaithuen ham na ngaih uh te khaw Menelaus loh kaimih taengah n'yaak sak coeng. 30 Te dongah Xanthicus hnin hlaithum vaengah aka rhoek beoih te ah paya la omnah neh rhuemtuet la loeihnah te khaw pang saeh. 31 Lamhma kah bangla Judah rhoek tah amah buh, amah olkhueng dongah omngaih saeh. Amih loh totamaeh ah mebang a saii boeih soah te khaw hnaemtaeknah om loengloeng boel saeh. 32 Nangmih thaphoh hamla Menelaus kan tueih lah ko. 33 Sading la, Kum ya sawmli kum rhet, Xanthicus hla hnin hlai nga.

34 Roman long khaw amih ham ca a pat tih he tlam he a tae nah.

Roman kah laipai Quitus Memius neh Titus Manius loh Judah pilnam neh kut kan tuuk. 35 Manghai kah huiko Lysias loh nangmih m'paek bangla kamih khaw ko ka vai puei uh. 36 Tedae manghai taengah puen tih ol a tloek ham koi olka boeih te a loe ngai la bet poek uh. Te vaengah hlang khat te tlek han tueih uh lamtah nangmih aka tueng te ol pae sih. Kaimih he Antiok la caeh ham ka longpueng uh li pueng. 37 Te dongah thintawn la puen cawn han tueih uh lamtah nangmih ham oltloeknah ka khueh uh eh. 38 Sading la, Kum ya sawmli kum rhet, Xanthicus hla hnin hlai nga.