1 Belshazzar manghai loh a boei thawngat hamla boeilen buhkoknah a saii tih thawngkhat mikhmuh ah misurtui a ok . 2 Belshazzar loh, “Misurtui yukung ah a napa Nebukhadnezzar loh Jerusalem bawkim lamkah a loh sui neh cak hnopai te hang khuen lamtah te nen manghai neh a boei rhoek, a yuu rhoek neh a yula rhoek long khaw o saeh,” a ti .   Te dongah Jerusalem , Pathen im kah bawkim lamloh a loh sui hnopai te a khuen uh tih te nen Te manghai neh a boei rhoek long khaw, a yuu rhoek neh a yula rhoek long khaw a ok uh . 4 Misurtui a ok uh vaengah sui pathen neh cak , rhohum , thi , thing , lungto te a koeh uh .

5 Amah tekah khonoek vaengah hlang kut dongkah kutdawn rhoek a caeh pah . Te phoeiah manghai hmaitung hmatoeng , manghai bawkim thoh dongkah taptlang dongah ca a daek pah . A daek vaengah ah khaw kut dongkah kutbom bueng ni manghai loh a hmuh .   Te dongah manghai Te a aa yat tih a poeknah loh amah a cahawh coeng. A hlit kah rhuhcong khaw phit tih a khuklu Te heben hebang la a khuek . 7 Manghai loh rhaitonghma rhoek khaw, Khalden rhoek khaw , aisi aka suep rhoek Te khue hamla thadueng neh pang . Te phoeiah manghai Te cal tih Babylon hlang cueih rhoek te , “Cadaek he a tae tih a thuingaihnah kai hamla aka thui hlang boeih te tah daidi hni a bai vetih a rhawn ah sui a oi vetih ram a pathum nah dongah boei ni,” a ti nah . 8 Manghai kah hlang cueih boeih Te cet tah cet uh dae cadaek Te tae tih manghai taengah a thuingaihnah , thuicaih ham noeng uh pawh .   Te dongah manghai Belshazzar muep let tih a aa yat tih amah neh a boei rhoek khaw a lukil uh . 10 Manghai neh a boei rhoek kah ol kong ah manghainu khaw buhkoknah im la cet . Manghainu long khaw a voek tih , “Manghai tah kumhal duela hing saeh, na poeknah loh nang n'let sak boel saeh lamtah na aa yat boel saeh. 11 Na ram ah he a khuiah Pathen kah mueihla cim aka khueh hlang om ta. Na pa tue vaengah khaw vangnah , lungmingnah neh cueihnah he a khuiah Pathen kah cueihnah bangla tueng ta. Na pa manghai Nebukhadnezzar loh anih Te na pa manghai kah hmayuep , rhaitonghma , Khalden neh aisi aka suep kah boei la a khueh ta. 12 Te kong dongah tah a mueihla lang tih mingnah , lungmingnah neh mang a thuicaih . Olkael aka phoe tih rhuhcong aka hlam khaw amah la Daniel dongah tueng coeng. Anih Te manghai loh a ming Belteshazzar la a khueh tih Daniel la aka coeng he khue lamtah a thuingaihnah a thui bitni,” a ti nah .

1  Te dongah Daniel Te manghai taengla a khuen tih manghai loh a voek . Te vaengah Daniel te , “Judah hlangsol ca lamkah Daniel he nang namah dae a? A pa manghai loh Judah lamkah a khuen te . 14 Nang kawng he na khuiah Pathen mueihla om tih vangnah , lungmingnah , cueihnah loh na khuiah bahoeng tueng coeng tila ka yaak coeng . 15 Ka taengah cadaek he tae uh saeh lamtah a thuingaihnah Te kai hamla thuicaih saeh tila hlang cueih la rhaitonghma khaw hang khuen uh coeng dae ol kah thuingaihnah Te thui hamla a noeng uh moenih . 16 Nang namah tah thuingaihnah thuicaih ham neh rhuhcong pataeng hlam ham na noeng rhoe na noeng tila ka yaak coeng . Cadaek Te tae ham neh a thuingaihnah Te kai taengah thuicaih ham na noeng la na noeng atah daidi hni na bai vetih a oi pataeng sui oi ni na rhawn ah na oi eh. Te phoeiah ram khuiah a pathum nah la na boei ni,” a ti nah . 1  Te dongah Daniel loh manghai te a doo tih , “Na kutdoe he namah ham om saeh lamtah na thapang te a tloe taengah pae mai. Tedae cadaek Te manghai hamla kan tae vetih a thuingaihnah kan thuicaih bitni. 18 Manghai nang , namah he a sangkoek kah sangkoek Pathen loh ram neh lennah khaw , thangpomnah neh hinyahnah khaw na pa Nebukhadnezzar taengah a paek . 19 Anih te lennah a paek dongah namtu pilnam cungkuem neh olcom olcae aka om rhoek loh thuen la thuen uh tih a taengah birhih uh . A ngaih a om te om bangla a ngawn tih a ngaih a om te a om bangla a hing sak. A ngaih a om te a om bangla a pacuet tih a ngaih a om te a om bangla a kunyun sak. 20 Tedae a thinko te a pacuet tih altha hamla a mueihla a phuel dongah a ram kah ngolkhoel lamloh rhum tih a thangpomnah Te anih lamloh a khoe pauh. 2  Te phoeiah hlang ca rhoek taeng lamloh a vai tih a thinko Te rhamsa la a khueh pah . A khosaknah khaw marhang lueng neh om tih vaito bangla rham a cah uh . Hlang kah ram soah a sangkoek kah a sangkoek Pathen loh a hung tih a ngaih taengah te te a pai sak tila a ming hil a pum Te vaan kah buem neh a saep sak. 22 He kong he boeih na ming lalah a capa Belshazzar nang khaw na thinko na kunyun sak moenih . 23 Vaan kah Boeipa taengah lat a pacuet uh tih a im kah hnopai te namah taengla hang khuen uh . Namah neh na boei rhoek long khaw , na boei rhoek neh na yuu rhoek long khaw, na yula rhoek long khaw te nen Te misurtui a ok uh . Te phoeiah cak , sui , rhohum , thi , thing neh lungto pathen , aka hmu thai pawh , aka ya thai pawh , aka ming thai pawt te na koeh uh . Pathen amah kut ah na maal om tih na longpuei boeih he amah taengah om dae na hinyah moenih . 2  Te dongah ni amah taeng lamloh kut dongkah kutbom te a tueih pah tih cadaek he a daek pah .

25 Te cadaek te , “Mene , Mene , Tekel neh Uparsin ,” la a daek . 26 Mene ollung kah a thuingaihnah he tah Pathen loh na ram he a khueh dae a khah coeng. 27 Tekel tah coi dongah n'khiing dae a vawt m'hmuh . 28 Peres , na ram rhek tih Media neh Persia taengah a paek ,” a ti nah . 2  Te dongah Belshazzar loh a thui bangla Daniel te daidi a bai sakuh. A oi khaw sui oi Te a rhawn ah a oi sak. Anih te a ram ah a pathum nah aka hung la om ham a hoe uh . 30 Amah te khoyin ah Belshazzar manghai Te Khalden loh a ngawn . 3  Te dongah Median kah Media Darius he kum sawmrhuk kum nit a lo ca vaengah ram a dang .