1 Darius loh a doe phoeiah tah a ram ah mangpa ya pakul a pai sak tih ram tom ah om uh . 2 Daniel te tah amih taemrhaikung pathum khuikah pakhat la om tih amih kah a soah om. Mangpa la aka om rhoek he a taengah saithainah a paek tih manghai khaw a vaitah om pawh .   Te vaengah Daniel tah taemrhaikung rhoek neh mangpa rhoek lakli ah a poekhloep om . He kong ah he a khuiah mueihla lang tih manghai loh anih a ram pum soah pai sak hamla cai . 4 Tedae taemrhaikung rhoek neh mangpa la aka om rhoek loh ram soehsalnah te Daniel taengah hmuh hamla a longim a tlap uh . Te cakhaw he kong dongah he anih tah a uepom dongah longim neh a tholh pakhat khaw a hmuh thai moenih . Dalrhanah neh a hong boeih he tah a pum dongah a tueng moenih .   Te vaengah tah tekah hlang rhoek loh, “Daniel taengah longim boeih he m'hmuh moenih , a Pathen kah oltlueh dongah a om bueng ni a soah m'hmuh dae ,” a ti uh .   Te dongah taemrhaikung rhoek neh mangpa rhoek he manghai taengla khong tih amah te , “Darius manghai kumhal duela hing pai saeh,” a ti na uh . 7 Ram kah taemrhaikung rhoek neh ukkung , mangpa rhoek, olrhoep rhoek neh boei rhoek tah boeih olrhoep uh tih, “Hnin sawmthum khuiah manghai nang kah voel ah pathen neh hlang khat khat taengah thangthuinah neh aka thangthui boeih tah sathueng buep la voeih ham manghai kah oltloek neh olpaek a tloh la a saii sak.   Te dongah , “Manghai aw, olpaek mah cak sak lamtah cadaek Te daek laeh. Te Te Media neh Persia oltlueh bangla thovael ham pawt tih hoilae boel saeh,” a ti uh . 9 He kong dongah he manghai Darius loh cadaek neh olpaek te a daek .

10 Cadaek a daek te a ming vaengah Daniel tah amah im la cet . A imhman ah Jerusalem benkah bangbuet Te a ong tih hnin at ah voei thum a khuklu dongah cungkueng tih thangthui . Te kong dongah hlamat lamloh a saii pah te a om coeng dongah a Pathen te a uem . 1  Te vaengah hlang rhoek tah puei uh tih Daniel loh a Pathen taengah thangthui neh a bih te a hmuh uh . 1  Te dongah cet uh tih manghai kah olpaek kawng neh manghai te , “Hnin sawmthum khuiah manghai namah voel ah pathen neh hlang khat khat taengah aka thangthui hlang boeih tah sathueng khui la voei saeh tila olpaek na daek moenih a ?” a ti na uh . Te dongah manghai loh a doo tih , “Media neh Persia oltlueh bangla ol cak tih te n'hoilae thai moenih ,” a ti nah . 1  Te vaengah a doo uh tih manghai taengah , “Judah hlangsol ca lamkah Daniel tah manghai namah taengkah saithainah neh olpaek na daek te ngai pawt tih a thangthuinah neh hnin at ah voei thum thangthui ,” a ti na uh . 14 Manghai loh ol a yaak vaengah amah te muep hah tih Daniel te a loeih sak ham a ko om . Khomik a tlak hil anih huul ham thakthae la om . 1  Te vaengah hlang rhoek Te manghai taengla puei uh thae tih manghai te , “Manghai aw, Media neh Persia kah oltlueh bangla , manghai kah olpaek neh oltloek a khueh boeih tah thovael thai pawt Te ming ,” a ti na uh . 1  Te dongah manghai kah a ti bangla Daniel te a khuen uh tih sathueng buep la a voeih uh . Te vaengah manghai loh avoek tih Daniel te , “Amah na bawk vanbangla na Pathen amah loh nang Te dungyan duela n'loeih sak saeh,” a ti nah . 1  Te phoeiah lungto pakhat a khuen uh tih buep rhai te a tlaeng uh . Te phoeiah tah Daniel kah a hmuethma thovael pawt hamla manghai loh amah kah kutbuen nen khaw a boei rhoek kah kutbuen nen khaw a daeng thil. 18 Manghai Te amah bawkim la mael dae buhmueh la hak tih a tumbael khaw a taengla khuen pawh . Te dongah a ih khaw anih lamloh a yong pah .

1  Te dongah manghai Te mincang khothaih vaengah ah thoo tih thintawn neh sathueng buep la cet . 20 A buep kah Daniel taengla a yoei vaengah tah lungnat ol neh rhap . Manghai loh Daniel te a voek tih , “Mulhing Pathen kah tueihyoeih Daniel , amah Te na Pathen pai tih nang loh amah te dungyan la na bawk . Sathueng khui lamloh nang loeih sak ham a noeng a ?” a ti nah . 2  Te dongah Daniel loh manghai te , “Manghai tah kumhal la hing pai saeh. 22 Ka Pathen loh a puencawn han tueih tih sathueng ka te a buem dongah kai he m'phae moenih . He kong dongah kai he amah taengah ommongsitoe la n'tueng sak tih manghai namah taengah khaw tholh ka saii moenih ?” a ti nah . 2  Te daengah manghai Te a taengah bahoeng a kohoe tih Daniel Te buep lamloh doek hamla a thui pah . Daniel Te a Pathen soah a uepom dongah a buep lamloh a doek vaengah khaw a pum dongah a hma pakhat khaw a hmuh moenih . 2  Te phoeiah manghai kah a thui bangla Daniel tholh aka pael hlang rhoek te a khuen uh tih amih Te a yuu a ca rhoek neh sathueng buep la a voeih uh . Tedae buep kah cirhong te a pha uh mueh la amih te sathueng loh a paco uh tih a songrhuh boeih a caep pauh.

2  Te dongah Darius manghai loh namtu pilnam boeih neh olcom olcae taengah a daek pah . Diklai pum kah khosa , khosa te nangmih kah ngaimongnah pungtai saeh. 26 Kai lamkah saithainah he ka ram kah khohung boeih ah ka paek coeng. Daniel kah a Pathen taengah a thuen , thuen doela om uh saeh lamtah birhih uh saeh. Amah tah mulhing Pathen la om tih kumhal duela cak . A ram khaw tim pawt tih a khohung loh khobawt duela a pha. 27 A loeih sak tih a huul . Vaan neh diklai ah miknoek neh khobae rhambae a tueng sak. Amah loh Daniel te sathueng kut lamloh a loeih sak. 2  Te dongah Daniel he Darius kah ram neh Persian kah Persian Cyrus ram khuiah thaihtak .