EZEKIEL
(The Book of Ezekiel)
Ezekiel Cabu Kawng
Babylonia lo Jerusalem he kum 597 b.c. vaengah a loh tih tamna vangsawn la pilnam muep a khuen. Jerusalem kah khosoih Ezekiel he khaw lamhma kah lambong dongah Babylon la a khuen van. 593 b.c., vaengah anih he Pathen loh a pilnam rhoek ham tonghma la a khue. Lamhma ah Ezekiel long he Pathen loh a pilnam ol a caek vetih, namtu hlangtholh, halang mawtkung, laithae tonghma rhoek a thiinah kawng a thui. Te phoeiah tah diklai namtom hlang soah Pathen kah laitloeknah a pai kawng te a thui. Lammah atah ol a thui ham khaw tonga ngawn coeng dae Jerusalem a cungku vaengah tah Pathen loh Ezekiel te koep a cal sak. Pathen Mueihla he hlang duek taengah khaw kun vetih a ram la koep mael ham khaw a hmuh sak. Pathen Bawkim thai neh thangpomnah ham khaw a hmuh sak.
Sawt Yoeinah
I. Ezekiel a khuehnah neh tueihnah 1. 1—3. 27
II. Jerusalem neh Judah ham ol a phong 4. 1—24. 27
III. Kaepvai namtom ham ol phong 25. 1—32. 32
A. Ammon ham 25. 1-7
B. Moab ham 25. 8-11
C. Edom 25. 12-14
D. Philistia 25. 15-17
E. Tyre 26. 1—28. 19
F. Sidon 28. 20-26
G. Egypt 29. 1—32. 32
IV. Israel ram koepthohnah 33. 1—48. 35
A. Thohnah a long im 33. 1—39. 29
1. Halang rhoek a hnawt ni 33. 1-33
2. Tudawnkung a thai 34. 1-31
3. Ram thohnah 35. 1-15
4. Pilnam thohnah 36. 15—37. 28
5. Thunkhaw soah laitloeknah 38. 1—39. 24
6. Namtom ham mangthui 39. 25-29
B. Ram kah bawk nah 40. 1—48. 35
1. Kum thawngkhat kah bawkim 40. 1—43. 27
2. Kum thangkhat kah thothuengnah 44. 1—46. 24
3. Kum thangkhat kah bawknah 47. 1—48. 35
1
1 Olp 19. 11.Kum sawmthum dongkah a hla li sa hnin nga lo coeng. Kebar tuiva kah vangsawn lakli ah ka om vaengah vaan ong uh tih Pathen kah mangthui te ka hmuh. 2 2Mg 24. 10-16; 2Kh 36. 9,10.Te vaengah manghai Jehoiachin hlangsol kah kum nga hla nga lo coeng. 3 Kebar tuiva Khalden kho kah khosoih Buzi capa Ezekiel taengah BOEIPA ol om rhoe om coeng. Te vaengah BOEPA kut anih soah pahoi tueng.
BOEIPA kah Thangpomnah
4 Ka sawt vaengah tlangpuei lamkah hlipuei khohli tarha ha pawk. Cingmai kah a thah neh hmai khaw phaa tih a kaepvai neh a laklung kah a aa rhoe mah hmai lung kah hnaibok kah a pang bangla om. 5 Olp 4. 6.A laklung lamkah te khaw mulhing pali phek coeng tih a mueimae tah hlang phek la om. 6 Tedae khat rhip loh maelhmai pali neh amih khat rhip dongah phae pali om. 7 Amih kho tah a kho khaw thuem tih amih kho khopha tah saelca kho khopha bangla om. Te vaengah rhohum ngo kah a pang bangla khooi. 8 A phae hmui kah a kut khaw hlang kut bangla om. Amih pali te a vae pali ah khaw a maelhmai neh a phae boeih om. 9 A manu neh a la te a phae hum uh tih hoi uh thai pawh. Tekah hlang te a caeh vaengah a maelhmai neh a dannah la dawk pongpa uh. 10 Eze 10. 14; Olp 4. 7.Amih maelhmai te hlang maelhmai phek la om. Amih pali te bantang benah sathueng maelhmai la om tih a pli la banvoei benah vaito maelhmai neh a pali la atha maelhmai kap. 11 A maelhmai khaw amah coeng tih a phae te a so la phuel uh. Khat neh khat te sisuk uh rhoi tih a pum te a khuk rhoi. 12 Te dongah a maelhmai kah a dannah la rhip cet uh. Mela a om akhaw mueihla te tangrhoeng cet rhoe cet coeng. Te dongah amamih kah a caeh bangla mael uh pawh. 13 Olp 4. 5.A mueimae tah mulhing phek neh hmai dongkah hmai-alh aka alh bangla, hmaithoi kah a mueimae bangla om. Anih te mulhing lakli ah a pongpa hatah hmai la aa tih hmai lamloh rhaek ha thoeng. 14 Mulhing te a thoeihyet vaengah rhaek kah a mueimae bangla ha mael. 15 Eze 10. 9-13.Te vaengah mulhing rhoek te khaw a maelhmai pali neh mulhing diklai taengkah diklai dongah lengkho pakhat rhip te khaw kak ka hmuh. 16 Amih kah moeiboe tah timsuih a pang phek tih amih pali te pakhat phek la om uh. Amih kah mueimae neh a moeiboe tah lengkho laklung ah lengkho aka om phek la om. 17 A vae pali longah a pongpa uh ham khaw cet uh dae a caeh uh bangla mael uh thai pawh. 18 Olp 4. 8.Amih te a uen thah tih amih te a rhiim om. A uen te amih pali kah a pang kaepvai ah bae. 19 Mulhing rhoek a thoeih uh vaengah a taengkah lengkho te thoeih. Mulhing te diklai dong lamloh a phoh uh vaengah lengkho rhoek khaw phoh uh van. 20 Melam khaw mueihla te a caeh rhoe a caeh ham a om atah mueihla taengla pahoi cet uh van. Mulhing mueihla he lengkho ah a om dongah lengkho khaw amih voeivang ah phoh uh van. 21 A caeh ham vaengah thoeih uh tih a pai uh ham vaengah pai uh. Diklai dong lamloh a phoh uh vaengah lengkho loh amih voeivang ah a phoh van. Lengkho khuiah mulhing mueihla om. 22 Olp 4. 6.Mulhing lu sokah te bangyai phek la om. Rhaelnu a pang bangla a rhih om tih amih lu so duela yaal hang. 23 bangyai hmui ah a manu loh a la taengla a phae a phuel te thuem. Amih aka thing rhoi khaw rhip om tih a pum aka dah rhoi te khaw rhip om. 24 Olp 1. 4-15; 19. 6.A phae ol te tui len ol bangla, Tlungthang ol bangla ka yaak. Lambong ol bangla a kawk ol neh khong uh tih a pai daengah a phae te a bai uh. 25 Amih te pai tih a phae a hlah vaengah amih lu sokah bangyai so lamloh ol ha thoeng. 26 Eze 10. 1; Olp 4. 2,3.Amih lu sokah bangyai so te minhum lung kah a mueimae bangla ngolkhoel phek la om. Ngolkhoel mueiloh soah hlang kah mueimae bangla mueiloh om hang bal. 27 Eze 8. 2.A cinghen lamloh a so duela a kaepvai te rhohumbok kah a pang neh imkhui hmai kah mueimae bangla ka hmuh. A cinghen lamloh a dang thuk kah a mueimae khaw hmai mueimae bangla a kaepvai ah a aa ka hmuh. 28 Khonal khohnin ah cingmai dongkah pampacung mueimae bangla om. A kaepvai kah a aa mueimae khaw BOEIPA kah thangpomnah mueimae phek ni. Ka hmuh vaengah ka maelhmai dongah ka cungku tih ol a thui ka yaak.