122
Bawipa a im na cet u sih,” tinawh amik kqawn law awh zeel soeih nyng. Aw Jerusalem, kaimih a khaw khqi ve vawng chawmkeng awh dyi hawh uhy. Jerusalem taw khawk bau ak zoei cana ami sak amyihna sak na awm hy. Israel a venawh cuk kiknaak awipeek peek na a awm amyihna, Bawipang ming kyihcah ham, cawh ce thlang pilnamkhqi, Bawipa a pilnam khqi hang cet uhy. Cawh ce awidengnaak boei ngawihdoelh khqi, David ipkhui awhkaw boei ngawihdoelh khqi awm hy. Jerusalem ngaihqepnaak aham cykcah lah uh: “Nang anik lungnaak thlangkhqi ce qalmawng na awm u seh. Na vawng khuiawh ngaihqepnaak awm seitaw, na boei awmnaak im kqang ngaihqepnaak awm seh.” Ka koeinaa ingkaw pyikhqi awh, “Nang ak khuiawh ngaihqepnaak awm seh,” ti kawng nyng. Bawipa ningnih Khawsa im awh, nang a boeimangnaak ce sui kawng nyng.