भजन-संहिता 75
संगीत के निरदेसक बर। “नास झन कर” के धुन म आसाप के एक भजन। एक गीत।
1 हे परमेसर, हमन तोर परसंसा करथन,
हमन तोर परसंसा करथन, काबरकि तोर नांव ह लकठा म हवय;
मनखेमन तोर अद्भूत काम के बखान करथें।
2 तेंह कहिथस, “ठहिराय गय समय ला मेंह तय करथंव;
बिगर पखियपात के मेंहीच ह नियाय करथंव।
3 जब धरती अऊ येकर जम्मो मनखेमन कांपथें,
त मेंहीच येकर खंभामन ला मजबूती से थामे रहिथंव।
4 घमंडी ला मेंह कहिथंव, ‘अऊ घमंड झन कर,’
अऊ दुस्टमन ला कहिथंव, ‘अपन सींग†सींग इहां सक्ति के प्रतीक ए; पद 5 अऊ 10म घलो ला ऊंच झन करव।
5 स्वरग के बिरूध अपन सींग झन उठावव;
बहुंत ढिठई के बात झन करव।’ ”
6 पूरब या पछिम ले या निरजन प्रदेस ले
कोनो भी मनखे अपनआप ला ऊपर नइं उठा सकय।
7 येह परमेसर ए, जऊन ह नियाय करथे:
ओह एक झन ला खाल्हे गिरा देथे, त दूसर झन ला ऊपर उठाथे।
8 यहोवा के हांथ म एक कटोरा हवय
जऊन ह मसाला मिले झागवाला अंगूर के मंद ले भरे हवय;
ओह येला ढारथे, अऊ धरती के जम्मो दुस्टमन
कटोरा के खाली होवत तक येला पीथें।
9 जहां तक मोर बात ए, मेंह हमेसा येकर घोसना करहूं;
मेंह याकूब के परमेसर के परसंसा के गीत गाहूं,
10 जऊन ह कहिथे, “मेंह जम्मो दुस्टमन के सींग ला काट डारहूं,
पर धरमीमन के सींग ला ऊपर करे जाही।”
*^ इबरानी म 75:1‑10 ला 75:2‑11 गने गे हवय
†भजन-संहिता 75:4 सींग इहां सक्ति के प्रतीक ए; पद 5 अऊ 10म घलो