1 लेकीन नी ईत्‍ता मातगोळ अनतोग जो सही सिद्धांतगोळ लायक आव. 2 मतलब हाळाबाट मंळसा शालीन, सचेत अदिक खुद नियंत्रित ईरूल, अदिक विश्वास दा मजबूत, प्यार अदिक धैर्य पुर्ण सहनशील ईरूल. 3 हांगा हाळामुंड आर्तेर्द चाल-चलन पवित्र लॉकुर घाई ईरूल; आंदुर निंदक आगबाळुल तथा अंगुर शयद या याल्ला अन्द लत आंदरी ईरबाळुल लेकीन वळ्लीद मातगोळ कल्सावळ्तेर ईरूल. 4 ताकी आंदुर हारोदोर आर्तेर इक चेतावनी कोळ्त ईरूल कि तान गांडुर से अदिक चिकोर से प्यार ईटुल; 5 अदिक खुद नियंत्रित, पवित्र, अदिक मान्ना अन्द वळ्लीद व्यवस्था माळावळ्त, अदिक तान गांड्ड उन हात्‍ती ईरावळ्त ईरूल, ताकी यावारा भी परमेश्वर उन दी टु बरावाळा वचन इन अपमान ईला माळुल.

6 हिंग अच हारोदोर मंळसागोळी भी समझुसतोग कि खुद नियंत्रित आगुल. 7 सप्पा मातगोळ दा तान तान इक वळ्लीद आचरण इन नमुना माळ. नीन शिक्षा दा सफाई, गंभीरता, 8 अदिक हिंग सच्चाई सिकुल कि यावारा अदुर्द आलोचना माळ सकबाळुल, ताकी नीन विरोधी लज्जित आगुल यतिकी आंदुर हात्‍ती नीन विरोध दा अनली येनु ईरतीदील.

9 दासगोळी समजुस कि तान-तान स्वामी इन सांगुळ ईरूल, अदिक सप्पा मातगोळ दा आंदरी खुश ईटुल, अदिक तिर्गकु जवाब कोळबाळुल; 10 काळ्लपनी अदिक चालाकी माळबाळुल, लेकीन हर प्रकार देल पुरा विश्वासी होळुल कि आंदुर सप्पा मातगोळ दा नाम उद्धारकर्ता परमेश्वर उन बारा दा शिक्षा अन शोभा वाळुसुल.

11 यतिकी परमेश्वर उन अद अनुग्रह प्रगट आद, जो सप्पा मंळसागोळ्द उद्धार इन कारण आद, 12 अदिक अद अनुग्रह नामी कल्सतद कि नाव अभक्ति इन जीवन अदिक सांसारिक अभिलाषागोळी त्याग्स बुटेव अदिक खुद नियंत्रित, अदिक पवित्र अदिक भक्तिमय जीवन ईद दुनिया दा माळेव. 13 अदिक धन्य आर आ आशा अन्द मतलब तान महान परमेश्वर अदिक उद्धारकर्ता यीशु मसीह अन्द महिमा अन्द प्रगट आगोद हादी काईत ईरूल. 14 ✡१ पतरस २:९याव तान तान इक नाम साटी कोट बुट्टुन कि नामी सप्पा प्रकार इन अन्याय देल बीळसुस बुळुल, अदिक नामी आऊंदा पवित्र लॉकुर माळुल अदिक वळ्लेव-वळ्लेव क्याल्सागोळ दा ईरूल.

15 तान पुरा अधिकार इन सांगुळ ई मातगोळ कल्स, ह्यांग नी तान विरोधीगोळी दनकुसत्या अदिक प्रोत्साहित माळत्या. ताकी याऊ नीनी तुच्छ सम्सबाळुल.