1 Chuaq doi ca au: “Lam yŏc hlài mangai cadrì khoi tango anang wa khoi i mangai ŏng neo tau beq, 'màng ca Chuaq xôq loq waq ca con caiq Is-ra-ên 'nhac ca wì haq khoi tawìh cùh waiq 'bài kiac ma'noiq, wa enh caq 'benh plì nho croh.”

2 'Màng aih au khoi rŏt hlài gu cadrì aih xam 15 capiac 'bac wa 36,5 lìt 'mau mat. 3 Khoi èh au doi ca haq: “Oh ŏi ti au bàc hì oq; paq tango anang wa paq broq mai mangai calô leq ma 'noiq, èh au broq ca oh hadai 'màng aih.”

4 Ma jah 'màng aih dùnh hì, con jàn Is-ra-ên ùh i ca bùa, ùh i ca cwan, ùh dèch am ngè tadreo, ùh i ca'bŏng tadreo, ùh i ca êphot, wa ùh i ca dua 'mù ta hnem. 5 Khoi ca aih, con caiq Is-ra-ên wìh hlài chaq dèh Chuaq Boc Plình, wa Đawit bùa cla wì. Wì haq crè yùq wìh hlài ta Chuaq, wa jah xôq ramŏt enh Haq.