11
Chuaq Nòi Hanình
Đawit Achìh
1 Au hanình dađeh ŏi ta Chuaq.
Gleq pì ma doi yôt ca au:
“Pan mot beq tìah ca chìm pan hlài dèh ta bôi wang.
2 Ma jah 'màng aih cô,
mangai dù enh nòi clam khoi 'nat panenh đòiq penh mangai lem jang.
3 Tàng 'bài tanam xèm khoi 'bìq raliang,
èh mangai ta-atoq jah broq cleq?”
4 Chuaq, Haq ŏi ta hnem hadròih da Haq;
gèq bùa da Chuaq ŏi ta Plình;
mat Haq hloi hloi ngan hnoq dìq dŏng;
mat Haq ngan thù con mangai.
5 Chuaq bàt thù mangai ta-atoq,
mahaq git ca mangai dù broq xòt ngang.
6 Haq ùc 'noh ngia ùnh khàng wa dahwèq ngèq tôq ca mangai dù,
cayeo tôq padŏc aih bìac wì haq ep nhàn.
7 Ma jah 'màng aih Chuaq aih ta-atoq.
Haq loq waq trong ta-atoq;
mangai lem jang jah hnoq hadrò Haq.