43
Bàu Waiq Khàn Xìn Dŏih Dèch
1 Waiq Chuaq xìn Ìh hadrah patô doi au ta-atoq,
xìn wiang enh au tajraq hlài ca jàn ma ùh i ca Boc Plình;
xìn dèch au claih enh mangai loq 'nùt wa ùh ta-atoq.
2 Ma jah 'màng aih Ìh Boc Plình ma am can dêh ca au.
Gleq Ìh ma 'noh đac au?
Gleq au ma ep mango
taiq wì mangai padit padiang au?
3 Xìn 'noh can 'ngah
wa trong joq 'nàng da Ìh ajèn trong ca au,
'ràng au trùh ta wang hadròih da Ìh,
aih nòi Ìh ŏi.
4 Jò aih au jah trùh nòi ca'bŏng tadreo da Boc Plình,
aih trùh ta Boc Plình ma lem bùi dìq jaq da au.
Au jah rawêh ranac cràu đòiq manè pôi Ìh,
Boc Plình, Ìh joq Boc Plình da au.
5 Ôi mahua yiang au, gleq gè 'bìq tagah lep?
Gleq gè ma loh ca manhài?
Yŏc dèh manoh gòm ngèh Boc Plình beq!
Èh au jah manè padèch Haq hòm,
ma jah 'màng aih Haq khoi jùp đò au.