53
Bìac Dù wa Bìac Blùng da Mangai
Đawit Achìh
1 Mangai blùng hèm ta manoh, doi:
“Ùh i ca Boc Plình.”
Dìq ca wì haq raliang piang wa broq rìm bìac ùh ta-atoq,
ùh i mòiq ngai leq broq bìac lem.
2 Boc Plình ŏi enh plình,
ngan loh ta con mangai,
đòiq ngan thù i mangai leq i manoh khôn rabiaq
wa loq ti chaq Boc Plình ùh?
3 Wì haq rìm ngai dìq cađac Chuaq,
rìm ngai dìq broq bìac dù,
ùh i ca mòiq ngai leq broq bìac lem,
mòiq ngai ji ùh i.
4 Wì ma broq bìac dù, dìq ùh 'nì loq cleq 'mòh?
Wì caq lŏn jàn Au bu dàng caq 'benh,
wì ùh cùh waiq Boc Plình.
5 Wì haq jah yùq crè,
'nhac ca bìac ùh đang ca yùq crè.
Ma jah 'màng aih Boc Plình khoi prai priang caxènh mangai leq enh tajraq hlài ca Ìh;
wì haq jah camaih, taiq Boc Plình khoi cađac wì haq.
6 Ôi! Ngèh enh bìac dèch claih da Is-ra-ên jah loh enh wang Siôn!
Jò Boc Plình am hlài xôxech ca jàn Haq ma khoi 'bìq rùp,
èh Jacôp jah lem bùi, wa Is-ra-ên jah manè bùi.