112
1 Phai padràu hau lem bùi ca Chuaq!
Xôq ramŏt ca mangai leq loq yùq crè ca Chuaq,
wa dìq jaq loq enh ca ranenh da Haq.
2 Con xau haq jah i cwìang càn ta crŏng taneh,
xinoi da mangai jang lem jah xôq ramŏt.
3 Cùng hang wa bìac can padrŏng ŏi ta hnem haq;
bìac ta-atoq da haq ŏi trùh hloi hloi.
4 Can 'ngah xreo ta nòi clam clôiq ca mangai lem jang,
aih mangai i manoh ta-atoq, loq xa-ŏch wa lem jang.
5 Xôq ramŏt ca mangai leq loq hanò wa loq am dech,
jò wì kìan haq èh jah hadrah tiaq trong ta-atoq.
6 Ma jah 'màng aih mangai ta-atoq ùh jò leq loq tadroq manoh,
jah hmàng ca haq trùh hloi hloi.
7 Haq ùh loq yùq crè jò glàm bìac yùq crè,
haq cajap manoh, lùi canòm Chuaq.
8 Haq cajap manoh ùh loq yùq crè,
trùh jò haq jah ngan wa 'blêq mangai ma git ca haq.
9 Haq loq tabàih rùng rai ca mangai pa;
bìac ta-atoq da haq jah ŏi trùh hloi hloi,
aki da haq jah padèch ha'nhèq ta can loq iu.
10 Mangai dù hnoq wa dìq jaq nòih,
cadrit hanenh khoi èh cachìt;
bìac loq ham da mangai dù èh hnhung dìq.