111
1 Ha-lê-lu-ya! Padràu hau lem bùi ca Chuaq!
Au jah dèch bàu calêu manè pôi Chuaq
ŏi ta tagop hadròih da mangai ta-atoq.
2 Bìac broq da Chuaq dìq jaq càn caiq;
mangai leq loq enh ca bìac aih khòh hèm haboq.
3 Bìac da Chuaq 'ngah 'ngai wa càn caiq;
bìac ta-atoq da Haq ŏi trùh hloi hloi.
4 Chuaq khoi broq rìm bìac lem jang joq đang ca hmàng trùh;
Chuaq am xôq ramŏt, wa i manoh loq xa-ŏch.
5 Chuaq am dahwèq caq ca mangai leq loq yùq crè ca Haq;
Haq hloi hloi hmàng ca wêh jao da Haq.
6 Chuaq khoi patô cwìang itai da Haq
xam bìac am ca con caiq Haq xôxech wì mangai Diac Ca-na-an.
7 Bìac broq da Haq aih bàu joq 'nàng wa bìac ta-atoq;
dìq bàu thê da Haq đang ca lùi canòm.
8 Bìac aih khoi broq cajap hagao hloi hloi;
khoi broq xam bàu joq 'nàng wa lem jang.
9 Haq khoi dèch rŏt jàn Haq;
Haq khoi broq bàu wêh jao ca Haq trùh hloi hloi.
Hiniq Haq dìq jah hadròih wa đang ca yùq crè.
10 Bìac loq yùq crè ca Chuaq, aih xèm da can khôn rabiaq;
dìq ca mangai leq ma broq tiaq bàu thê Haq jah i can 'nì loq;
bàu padràu hau lem bùi ca Chuaq jah ŏi trùh hloi hloi.