1 Afta dat I look, an I see someting jalike one dream. I see one open door inside da sky. I hear da same voice I wen hear befo time, dat soun jalike one trumpet. He talk to me, an he tell, “Eh, come up hea! I show you wass gotta happen bumbye.”

2 ✡4:2: Ezek 1:26-28; 10:1Right den an dea, God Spirit take charge a me. In front me, up dea inside da sky, get one throne, an somebody stay sit on top da throne. 3 Da One dat sit dea get strong light dat come from him, jalike da light dat come from da jasper stone an da red carnelian stone! An aroun him get one rainbow dat look jalike da green emerald.

4 Aroun da throne get twenny-four odda thrones, an twenny-four older leadas stay sit on top dem. Dey wear white clotheses, an get gold kine crown on top dea heads. 5 ✡4:5 a: Outa 19:16; JShow 8:5; 11:19; 16:18; b: Ezek 1:13; c: JShow 1:4; Zek 4:2Outa da throne da lightning stay flash, an thunda stay make big noise. In front da throne get seven torches dat stay burn real bright. Dass da seven spirits dat come from God. 6 ✡4:6: Ezek 1:22✡4:6: Ezek 1:5-10; 10:14In front da throne look jalike one pond dat you can see thru, jalike glass. In da middo, aroun da throne, get four tings dat stay alive an go ery place God go, an dey get eyes all ova da front an back.

7 Da firs one dat stay alive look jalike one lion, da nex one look jalike one bull, numba three get one face jalike us, an da las one look jalike one eagle dat stay fly. 8 ✡4:8 a: Ezek 1:18; 10:12; b: Isa 6:2-3Da four tings dat stay alive an go ery place God go, dey all get six wings, an dey get eyes all ova, even unda dea wings. Dey no stop sing all da time. Dey sing like dis: