16
Da Seven Bowl Show
Dat God No Take Da Bad Kine Stuff
Den jalike one dream, I hear one loud voice from da Real Real Spesho Place dat tell da seven angel messenja guys, “Dis da seven bowl dat show dat God stay huhu, an tell ‘Laytas’ to da bad kine stuff da peopo inside da world stay do. Take um, an go pour da stuff inside um on top da earth.”
16:2: Outa 9:10Da firs angel guy go an pour out da stuff from his bowl on top da earth. Den da peopo dat get da Wild Animal mark on top dem an dat go down an pray to his statue, dey get bad kine sore dat come out all ova dem an hurt real bad.
Da numba two angel guy pour out da stuff from his bowl on top da ocean, an make um jalike da blood from one mahke guy. Den all da tings dat stay alive inside da ocean mahke.
16:4: Outa 7:17-21; Songs 78:44Da numba three angel guy pour out da stuff from his bowl on top all da rivas an pukas wea watta come out, an dey come blood too. Den I hear da angel guy dat stay in charge a da watta tell,
“God, you real good an spesho!
You stay from befo time, an you still stay now.
You da Judge, an you do eryting right.
Cuz you punish da peopo fo da bad kine stuff dey wen do.
Cuz dey wen kill da guys dat talk fo you,
An yoa odda spesho peopo.
Dey make yoa peopo bleed an mahke.
Az why you give dose peopo dat stay agains you
Blood fo dem drink too,
Cuz az wat dey get cuz dey kill yoa peopo.”
Den I hear one voice from da altar tell,
“Az right! You Da One In Charge,
Da God Dat Get All Da Powa.
You da Judge.
An eryting you do, you do um right
An tell da trut.”
Da numba four angel guy pour out da stuff from his bowl on top da sun. Den God give powa to da sun fo burn da peopo wit fire. Dey get burn plenny cuz da sun real hot. Dey talk bad bout God, cuz he get da powa fo make dem suffa plenny. But still yet, dey no like change an come sorry fo da bad kine stuff dey do, an dey no like talk good bout God.
10  16:10: Outa 10:21Da numba five angel guy pour out da stuff from his bowl on top da Wild Animal throne. An ery place da Wild Animal stay king come real dark. Den peopo ova dea bite dea tongue cuz dey suffa real plenny. 11 Dey talk bad bout God in da sky cuz dey stay suffa an get bad kine sores all ova dem. But still yet dey no like change an come sorry fo da bad kine stuff dey do.
12  16:12: Isa 11:15Da numba six angel guy pour out da stuff from his bowl on top da big Eufrates Riva, an all da watta come dry up, fo make ready da way fo da kings from da east side fo come.
13 Den jalike one dream, I see three bad kine spirits. Dey look jalike frogs. One come outa da dragon mout, one outa da Wild Animal mout, an one outa da mout a da guy dat tell he talk fo God, but he bulai. 14 Dose bad kine spirits do all kine awesome stuff fo show dea powa. Dey go out an get all da king guys in charge in da whole world fo bring dem togedda fo fight on da Big Day fo Da God Dat Get All Da Powa.
15  16:15: Matt 24:43-44; Luke 12:39-40; JShow 3:3Da One In Charge tell,
“Look! I goin come jalike one steala guy dat nobody tink he goin come! Whoeva stay awake, an get dea clotheses wit dem, dey no goin come shame cuz dey naked. Dey goin stay good inside.”
16  16:16: 2Kings 23:29; Zek 12:11Den da bad kine spirits bring da kings togedda inside one place da Jews call in dea language “Armageddon.”
17 Den da numba seven angel guy pour out da stuff from his bowl in da air. An one loud voice come from da throne inside da temple an tell, “Dass it. Eryting pau.” 18  16:18: JShow 8:5; 11:13, 19Den get big lightning, plenny noise, big thunda, an da earth stay shake real hard—neva had dat kine big shaking befo, wen peopo stay on top da earth, till now. 19  16:19: Isa 51:17Babylon, da mos importan big town, split an come three part. An da big towns fo da diffren peopos all ova da world get wipe out. God come huhu wit da peopo inside Babylon, da big town. He make um suffa real bad, cuz he tell “Laytas” to da bad kine stuff da peopo ova dea stay do. He make to dem jalike wen one guy make anodda guy drink too much real strong wine, fo make um come real piloot.
20  16:20: JShow 6:14All da islans disappea, an all da mountains fall down flat! 21  16:21: Outa 9:23; JShow 11:19Den one real big kine hail storm come down from da sky. Ery piece hail weigh bout hundred poun, an dey fall down on top da peopo! Den da peopo talk bad bout God cuz a da hail, cuz was so bad.

16:2 16:2: Outa 9:10

16:4 16:4: Outa 7:17-21; Songs 78:44

16:10 16:10: Outa 10:21

16:12 16:12: Isa 11:15

16:15 16:15: Matt 24:43-44; Luke 12:39-40; JShow 3:3

16:16 16:16: 2Kings 23:29; Zek 12:11

16:18 16:18: JShow 8:5; 11:13, 19

16:19 16:19: Isa 51:17

16:20 16:20: JShow 6:14

16:21 16:21: Outa 9:23; JShow 11:19