1 Hitun a'amungan nadan dakol an ma'alih dios ya hi Apu Dios di munhumalyan didan namin.

2 Ta alyonan diday, Mahapul an idinongyu nan nibahhon atonyun munhumalya ta adiyu ita'dog hanadan adi maphod di pangatda.

3 Ta da'yuy mangita'dog hinadan nun'apuhig ya nun'awotwot.

Ta hanan nipto' an pangat di atonyu hinadan mahmo'.

4 Ta ihwangyu didah e pamalpaligatan nadan tatagun adi ahan maphod di pangatda.

5 Mu ningamut an da'yun a'ap'apu ya ma"id ha innilayu te aggeyu innilay nipto' hi unudonyu ta hiya mo nan gapun da'yu ya ma"id ha maphod hi ma'ma'at hi abobbobleh tun luta.

6 Manu te ha''on di mangali hi ay ayu dios damdama an paddungnay imbabale da'yun ha"on an na'abbaktun Dios

7 mu umat ayu damdamah tatagu ya a'ap'apu an waday apogpogan di nitaguwanyu.

8 Ot agam Apu Dios ta humalyaom di atagutagu te he"a damdamay ud bagih abobbobleh tun luta.