1 Madayaw hi Apu Dios.

Da'yun wah ad abunyan ya dayawonyuh Apu Dios hinan Templona.

2 Ot dayawon ta'u an gapuh nadan nakaskasda'aw an ina'inatna an mangipatigoh nan ma"id ha nipaddungana an abalinana ya anabaktuna.

3 Ot ipagangohyu nan trampeta ya harp ya lira ta idihhan ta'un ikankanta nadan pundayaw ta'un hiya.

4 Ya tobabonyu nadan libbit ta manayo ta'u ya atbohdin ipagangohyu nimpe nadan harp ya ungngiyung.

5 Ya pun'ipagangohyu nadan simbal ta pundayawyun Apu Dios.

6 Ot an namin ta'un waday yahyahna ya hanat dayawon ta'u hiya.

Madayaw hi Apu Dios.