3
Hay Numbaholan nan iJudah
1 Ya inalin Apo Dios ay ha"in an hi Jeremiah di,
“Nan lala'in inhiyanay ahawana ya awni ya numbentan heden babai
ya undan mabalin goh ta bangngadon goh nan lala'ih den babai?
Mu da'yun i'Israel ya ay ayu damdama ni'linala'ih nan do'ol an dinayawyun bulul,
mu ad ugwan ya pohdonyun mumbangngad ay Ha"in an ta"on hi un umat hinay inatyu!”
Hiyah ne hinapit Apo Dios.
2 “Amangonyu adya nan nunlene'woh eten babluy an mi'id ay daden dudunduntug
di agguyyu immuy nundayawan hinan udum an madayaw!
Umat ayuh nan babain mabayadan an munhohhood hi lala'ih nan pingit di owon,
ya umat ayu goh hinan tagun mumbota' hi patayona!
Ya dumalat ay danen nappuhi ahan an ato'atonyu an punhulbianyuy udum an madayaw ya pinuhiyuh ten babluy.
3 At hiyanan mami'id di udan an ta"on di un apu'
ti dumalat nongkay hinan nappuhin ato'atonyun mi'id ahan di bainyu.
An umat ayuh nan babain puta!
4 Mu ad ugwan mahkay ya alyonyun Ha"in di,
He"a, Ama, di gun nangipapto' ay da'mi an nete"ah din a'eppola'mi,
5 at adi da'mi ahan ihingal hi enggana!
Ya manu ti umat hinay panaphapityu,
mu inatyu damdaman amin di nun'appuhi.”
Hay Nangiyunnudan nan iJudah hinan i'Israel
6 Hidin hi Josiah di nun'alih ad Judah*Hay nun'aliana ya hidin 640-609 B.C. ya himmapit goh hi Apo Dios ay ha"in an inalinay, “He"a ya tinnigmu din ina'inat nan ay nabongang an i'Israel. Dida ya umatdah nan babain immilugtap ti din'uga' ay dida ta nan udum an madayaw di dinayawdah nan puun di mun'alubong an ayiw hinan aduntuduntug!†Pina"in Apo Dios nan pumpapto'an di i'Israel hidin 722-721 B.C. an dimmalat nan nan'ugandan Hiya an Diosda. 7 Ya hay alyo' at goh ya itutuyuda nan do'ol an baholda ta mumbangngaddan Ha"in, mu agguyda! Ya ta"on un da'yun i'ibbadan iJudah ya tinnigyun 8 amin nan inatda ya nan na'at an paddungnay inhiyan'u dida ta pinakak'u dida ta adida mahkay middum ay Ha"in ti nan nat'on an madayaw di dinayawda. Mu da'yun iJudah ya agguy ayu damdama timma'ot ti inyunnudyuh nan i'ibayu ta paddungnay unna' inlugtap goh damdaman da'yu ti nan udum an madayaw di dinayawyuh nunhulbianyu! 9 Mi'id di tutuyuyun iJudah hinan numbaholanyu, at hiyanan pinuhiyuy babluyyun dumalat nan nundayawanyuh nan eng'engoh an madayaw an batu ya ayiw di niyamma. 10 Ya ipattigdan ayda numbangngad ay Ha"in, mu agguy immannung ti pangal'alida.” Hiyah ne hinapit Apo Dios.
11 Ya inalin Apo Dios goh ay ha"in di, “Nan i'Israel ya hiyah nen din'uga' goh ay dida. Mu odolnada goh ya un nan iJudah an mangalih numbangngaddan Ha"in an ta"on hi un layahda! 12 At umuymu pun'ipa'innilah nan i'Israel hi appit hi iggid hi un hagangon di buhu'an di algaw
ta mumbangngaddan Ha"in an Dios.
Ti ta"on hi unna' impabungot an dimmalat di nan'ugandan Ha"in
mu nidugah di homo"u,
at mabalin an aliwa' di ina'inatda.
13 Hay mahapul ya abulutondan numbaholda ti nginohoya' an Dios
ti nan dayawon di udum an tataguy immuyda dinayaw hinan puun di mun'alubong an ayiw.”
Hiyah ne hinapit Apo Dios.
14 Ya inalin goh Apo Dios di, “Da'yun mungngohoy an tatagu' ya mumbangngad ayun umunud ay Ha"in an umat hi lakayyu!‡Nan hapit di Hudyu an lakay ya ba'al, mu nan Hudyu ya din'ugda nan immannung an ba'alda ta dinayawdah Ba'al an bulul di iCanaan! At la'tot ya imbangngad'u da'yuh nan babluyyud Zion. Ta an amin nan babluy an ni'hituwanyu ya waday awito' ay da'yu ta ibangngad'ud Zion. 15 Ya wadaday nala'eng an pot'o' an un'unnud ay Ha"in ta diday mangipangpangulun da'yu. 16 At eden timpun§Nan Hinlibuy Tawon. nihamadan di awagahanyu ya dumo'ol ayun munhitun den babaluyyu, ya mi'id mahkay di al'alyon nan tataguh nan Kahon an Nittuwan di Uldin'u. Ti adiyu mahkay nomnomnomon, ya adi mahapul an mangamma ayuh mihukat eden Kahon.*Hay pohdonan hapiton ya gapu ta middum ay dida nan Alin Pento' Apo Dios an hi Jesu Kristu at adi mahapul an ipattigday niddumanda an nan Kahon an Nittuwan di Uldin. 17 Ti hitu mahkay ad Jerusalem di pumpapto'a' ta an amin nan tataguh nan abablubabluy ya hituy pundayawanyun Ha"in an Dios, ya adiyu mahkay aton nan nappuhin pohpohdonyun aton. 18 At nan i'Israel ya nan iJudah an mun'alpuh nan udum an babluy hi appit hi iggid hi un hagangon di buhu'an di algaw ya munlalammung ayun mumbangngad hituh nan babluy an indat'uh din o'ommodyu.
19 Ha"in an Dios ya ma"amlonga' an mangibilang ay da'yuh imbabaluy'u,
ya hay pohdo' ya idat'un da'yu nan ma"aphod an babluy hitun luta ta punhituwanyu!
Ya hay inila' ya ibilanga' ay da'yu hi Amayu an adia' du'gon ay da'yu.
20 Mu un at goh hiyay inatyu an din'uga'
an umat ayuh nan babain nangilugtap hi ahawana!
Ha"in an hi Apo Dios di nanapit ene.ӠHay itudun ten verse ya nipaddung hinan teman nan Liblu an Hosea.
Hay Nuntutuyuan nan Tataguh Baholda
21 Ya inali' goh ay diday,
“Alyon Apo Dios ay da'yuy,
At nen ma"adngol hinan tulid di dudunduntug di kilan nan i'Israel an mumpahpahmo' ay Ha"in
ti do'ol di numbaholandan dumalat nan nangaliwandan Ha"in an Dios.
22 At maphod hi un ayu mumbangngad ta Ha"in di unudonyu,
Ya inaliday,
“O, mumbangngad ami ta He"a tuwaliy Dios hi dayawonmi!§Hiyah ne ma'at hinan Hinlibuy Tawon.
23 Ti nan gunmi nundayawan hinan bubulul hinan dudunduntug ya mi'id di imbadangnan da'mi
ti He"a, Apo Dios an madayaw, ya anggay di mabalin hi bumadang ay da'mi!
24 Mu nan umipabain an bulul an hi Ba'al an gunmi dinayaw
ya hiyay nangubah hi bino'lami, ya intangdananmi,
ya ta"on nan imbabaluymi.
25 Numbahol amin He"a, Apo Dios,
an umat ami damdamah din o'ommodmin nete"ah din a'ungamih engganad ugwan ya nginohoymi He"a,
at hiyanan nunheglay bainmi.”
*3:6 Hay nun'aliana ya hidin 640-609 B.C.
†3:6 Pina"in Apo Dios nan pumpapto'an di i'Israel hidin 722-721 B.C. an dimmalat nan nan'ugandan Hiya an Diosda.
‡3:14 Nan hapit di Hudyu an lakay ya ba'al, mu nan Hudyu ya din'ugda nan immannung an ba'alda ta dinayawdah Ba'al an bulul di iCanaan!
§3:16 Nan Hinlibuy Tawon.
*3:16 Hay pohdonan hapiton ya gapu ta middum ay dida nan Alin Pento' Apo Dios an hi Jesu Kristu at adi mahapul an ipattigday niddumanda an nan Kahon an Nittuwan di Uldin.
†3:20 Hay itudun ten verse ya nipaddung hinan teman nan Liblu an Hosea.
‡3:22 Daten tulun hapit an mumbangngad, ya unudonyu, ya ipaphod'u ya hi'itangan numpapaddung di pohdondan hapiton hinan hapit di Hudyu, at hiyah ne ohan kalahin di hanul nan Hudyun adi umipakiki.
§3:22 Hiyah ne ma'at hinan Hinlibuy Tawon.