1 Hidin ta'wa miyapat hi tawon*Unu hidin 605 B.C. hi nun'alian Jehoiakim an hina' Josiah hi ad Judah ya nalpah an intudo' Baruch an amin din inali' hi itudo'na, 2 ya waday inalin Apo Dios hi ipa'innila' ay Baruch. 3 An inalinay, “Munlili'a, Baruch, an alyom di, Nidugah ahan tun inat Apo Dios ay da'mi ti inudmana nan nunheglan ay'u numanomnoman! At himmigaa' mahkay hitun nitagua'!

4 Mu alyo' ay he"a, Baruch, an pa"io' heten babluy an limmu' an paddungnay intanom'u ya un'u bu'nuton. 5 At adim dedenlon di pumhodam.†Nan agin Baruch an hi Seraiah ya waday nabagtun haadnah nan gubelnun impapto' nan Alin hi Zedekiah (Jer. 32:12; 51:59), ya mid mapto' ya inamnawan Baruch goh. Mu ibaliw'u he"ah pumatoy an ta"on un malgom di umayam. Ha"in an Dios di nanapit ete.”