21
Hay Punyamanan hi Umabakan*Heten psalm ya niddum hinan kalahin di psalm an ma'alih Messianic an Psalms an mangituduh aat nan Alin Pento' Apo Dios an umali an ma'alih Messiah (hinan hapit di Hudyu) unu Kristu (hinan hapit di iGreece).
Hete ya psalm an intudo' David, ya intud'ana nan ap'apun di muntudtuduh kanta.
1 Apo Dios, umamlong nan ali†Nan Alin hi David di humapit, ya hapitonay aat di Diosna ya nan odolna (verses 1-7). an dumalat nan nidugah an abalinam
ti He"ay bumadang ay hiyan mangabak hinan buhulna.
2 Ya inabulutmu din inluwalunan He"a,
ya indatmun amin nan penhodna.
3 Ya do'ol di wagahmun hiya,
ya inuklupam hiyah namahmah an balitu'.
4 Endawnan He"ay dumu'du"oyan di ataguana,
ya inabulutmu ti indatmuy adu"oy hi ataguanah enggana.
5 Ya me'gonan ahan henen ali,
ya nundongol di aatna ti hiyay nangabakom.
6 Ya immannung an munnononnong nan wagahmun hiya,
ya nan i'iddumam ay hiyay anidugah di umamlongana.
7 Ti He"an na'abbagbagtun Dios di ehdol nen ali ti nidugah di pamhodmun hiya,
at mid al'alin hiyah enggana.
8 Ya He"a, Apo Dios,‡Nan tataguy humapit hi aat nan alida, mu nan alin hapitonda ya nan Alin Pento' Apo Dios an hi Jesu Kristu (verses 8-13).
ya tiliwom an amin nan buhulmu an dumalat nan abalinam,
9 ya nan gutud di umaliam, Apo Dios,
ya aminom an ubahon dida an umat hinan aton di ongol an apuy an gohbonan amin dida.
Ya umannung an ubahom dida an dumalat nan nidugah an bungotmu,
10 ya ta"on goh nan holagdah udum hi algaw ya ubahom dida
ta mi'id ah ma'angang hitun luta.
11 Ya ta"on hi unda mumplanuh nappuhih atondan He"a
mu mi'id di ologda damdaman mangabak
12 ti mumpangalayawdah nan pamanaam ay dida.
13 At He"ay ipabagbagtumi, Apo Dios, an dumalat nan umipanoh'an ina'inatmu,
ya idaydayaw da'a an dumalat nan nidugah an abalinam!
*^ Heten psalm ya niddum hinan kalahin di psalm an ma'alih Messianic an Psalms an mangituduh aat nan Alin Pento' Apo Dios an umali an ma'alih Messiah (hinan hapit di Hudyu) unu Kristu (hinan hapit di iGreece).
†21:1 Nan Alin hi David di humapit, ya hapitonay aat di Diosna ya nan odolna (verses 1-7).
‡21:8 Nan tataguy humapit hi aat nan alida, mu nan alin hapitonda ya nan Alin Pento' Apo Dios an hi Jesu Kristu (verses 8-13).