34
Hete ya psalm an intudo' David hidin namalbaliyanan Abimelek ti hin'ango'angowona, at hiyanan pinakak Abimelek hiyah nan babluyna.
(I Sam. 21:10-15)
1 Inaynayun'un munyaman ay Apo Dios,
ya gun'u ipabagbagtu Hiyah enggana.
2 Ya hapihapito' di adayawanah enggana ti nan amaphodna,
at da'yun mipaligligat ya donglonyu Hiya ya umamlong ayu.
3 At middum ayun ha"in an mangipabagbagtun Apu tu'u
ta an amin tu'u ya dayawon tu'u Hiya.
4 Ti nunluwalua' ay Apu tu'u ya immannung an dengngola',
at nami'id an amin din ta'ot'u.
5 Ya an amin nan mange'kod hi nitaguanan Hiya ya umamlongda ti adida ahan mabainan.
6 Ti wa ay ta mumpahpahmo' nan nawotwot ya donglon Apu tu'u,
at badangana didah nan numbino'ob'on an punligatanda.
7 Ya nan anghel Apo Dios di manalimun hinan mange'gon ay Apo Dios,
at elwangna dida.
8 At padahonyu ta innilaonyuy amaphod Apu tu'u
ti immannung an mipadenol nan tagun Hiyay paddungnay ihi'ugana.
9 At e'gonanyuh Apu tu'u an da'yun tataguna
ti an amin nan mange'gon ay Hiya ya idatnan amin di mahapulda.
10 Ti ta"on un nan layon ya hin'umu'uddum ya munhinaangda ti mi'id di ononda,
mu nan un'unnud ay Apu tu'u ya adida ahan makudangan hi mahapulda.
11 At umali ayun paddungnay imbabaluy'u
ta donglonyu nan itudu' hi atonyun mange'gon ay Apu tu'u!
12 Ya pohdonyu ay an umad'adu"oy di itaguanyu ya nan umamlonganyu†I Pet. 3:10.
13 ya mahapul an adi ayu humapihapit hi nappuhi,
ya ipogpogyun lumayalayah,‡I Pet. 3:10.
14 ya ipogpogyun mangat hi nappuhi ta hay maphod di atonyu,
ya inaynayunyuh ne ta mi'id al'alih nitaguanyu.§I Pet. 3:11.
15 Halimunan Apu tu'u nan nahamad di ugalida,
ya dodonglonay punluwaluandan Hiya.*I Pet. 3:12.
16 Mu nan mangat hi nappuhi ya boholon Apu tu'u,
ya ubahona didan amin hitun luta ta ma'aliwanda.†I Pet. 3:13.
17 Donglon Apu tu'uy luwalun nan tatagunan nahamad di ugalida,
ya badangana didah nan malgom an punligatanda.
18 Ya igohgohan Apu tu'u nan munlungdaya,
ya badangana nan mi'id di namnamadah nan nitaguanda.
19 Do'ol di ligat hi holholtapon nan tatagun nahamad di ugalida,
mu badangan Apu tu'u didah an amin ay danen ligatda
20 ti halimunana dida ta ta"on nan tungalda ya mi'id ah ohah ma'ipung.‡Jn. 19:36.
21 Nan nun'appuhin ugalin nan tatagu di dumalat hi atayanda,
ya nan mamohol hinan nahamad di ugalina ya mamolta.
22 Mu gun baliwan Apo Dios nan tataguna,
at mi'id di mamoltan dida an un'unnud.
*^ Nan mahhun an letran di alphabet di Hudyu an A ya hiyay te"an di letrah nan mahhun an verse, ya nan miyadwan letran di alphabetda an B ya hiyay te"an di letrah nan miyadwan verse. Ya mahayhaynod nan hinohhan letran di alphabetda an mete"ah A ta engganah egpongana an taw, ya duwampulu ta duway letran di alphabetda.
†34:12 I Pet. 3:10.
‡34:13 I Pet. 3:10.
§34:14 I Pet. 3:11.
*34:15 I Pet. 3:12.
†34:16 I Pet. 3:13.
‡34:20 Jn. 19:36.