123
Hay Mikantah nan Punti'idan ad Jerusalem*Heten psalm ya niddum hinan kalahin di psalm an ma'alih Kantan di Munti'id ti hidin nunti'idan nan Hudyun immuy ad Jerusalem an mi'gotad ya hiyah te kalahin di kantan nundedehhandan nangikantah nan dalan.
Hiyah te kantan ingkantan nan Hudyuh din nunti'idandan numbiyahen immuy ad Jerusalem.
1 He"a, Apo Dios an Ap'apun wad abuniyan di tangado' hi pumbaga' hi badang
2 an umat hinan baal an hay ap'apunay tangadona.
Umat goh ay da'min He"ay tangadaonmih mammo' ay da'mi!
3 Apo Dios, hom'on ni' da'mi
ti himmiga amih nan pamihupihulan nan buhulmin da'mi
4 ti nabayag an pahapahalon da'mih nan mumpahpahiyan bumobohhol ay da'mi!
*^ Heten psalm ya niddum hinan kalahin di psalm an ma'alih Kantan di Munti'id ti hidin nunti'idan nan Hudyun immuy ad Jerusalem an mi'gotad ya hiyah te kalahin di kantan nundedehhandan nangikantah nan dalan.