136
Hay Mikantah Punyamanan
1 Munyaman tu'u ay Apo Dios ti Hiya ya ma"aphod!
Nan nidugah an pamhodna ya munnononnong hi enggana!
2 Ya munyaman tu'uh nan na'abbagbagtun Dios.
Nan nidugah an pamhodna ya munnononnong hi enggana!
3 Ya munyaman tu'un Hiya an Ap'apun amin di a'ap'apu.
Nan nidugah an pamhodna ya munnononnong hi enggana!
4 Hiya ya anggay di nangat hinan umipanoh'a an adi abalinan di tagu.
Nan nidugah an pamhodna ya munnononnong hi enggana!
5 Limmunad abuniyan an dumalat di la'engna.*Gen. 1:1.
Nan nidugah an pamhodna ya munnononnong hi enggana!
6 Inyammanay nipabunan tun lutah nan bunol di baybay.†Gen. 1:2, 6-10.
Nan nidugah an pamhodna ya munnononnong hi enggana!
7 Limmunay bulan ya algaw.‡Gen. 1:14-15.
Nan nidugah an pamhodna ya munnononnong hi enggana!
8 Numbalinonay algaw an umat hi ap'apuh nan mapatal.§Gen. 1:16.
Nan nidugah an pamhodna ya munnononnong hi enggana!
9 Numbalinonay bulan ya bittuan an umat hi ap'apuh nan mahdom.*Gen. 1:16-19.
Nan nidugah an pamhodna ya munnononnong hi enggana!
10 Pinatoynay papangpangullun imbabaluy di i'Egypt.†Ex. 11:1-10; 12:29-30.
Nan nidugah an pamhodna ya munnononnong hi enggana!
11 At enekakna nan holag Israel ad Egypt!‡Ex. 13:21-22.
Nan nidugah an pamhodna ya munnononnong hi enggana!
12 Inusalnay nidugah an abalinanan nangipangulun didan tatagunan holag Israel an nakak hidi.
Nan nidugah an pamhodna ya munnononnong hi enggana!
Nan nidugah an pamhodna ya munnononnong hi enggana!
14 Ya initnudna nan tatagunan bumad'ang.†Ex. 14:22.
Nan nidugah an pamhodna ya munnononnong hi enggana!
15 Mu inanudna nan tindalun di i'Egypt ya nan alida.‡Ex. 14:23-31.
Nan nidugah an pamhodna ya munnononnong hi enggana!
16 Ya impanguluna goh nan tatagunan holag Israel an ene'wahdah nan mapulun.
Nan nidugah an pamhodna ya munnononnong hi enggana!
17 Ya numpatoyna nan a'ali an nidugah di abalinanda.
Nan nidugah an pamhodna ya munnononnong hi enggana!
18 Ya ta"on un din nundongol an ali ya pinatoyda.
Nan nidugah an pamhodna ya munnononnong hi enggana!
19 An didana da hi Sihon an alin nan holag Amor.§Num. 21:21-31.
Nan nidugah an pamhodna ya munnononnong hi enggana!
20 Ya hi Og an alid Bashan.*Num. 21:32-35.
Nan nidugah an pamhodna ya munnononnong hi enggana!
21 At impaboltanay babluydah nan tataguna.
Nan nidugah an pamhodna ya munnononnong hi enggana!
22 Indatnah den babluy hinan tatagunan holag Israel ta numbabluyanda.
Nan nidugah an pamhodna ya munnononnong hi enggana!
23 Agguy ditu'u din'ug an tatagunah din na'abakan tu'u.
Nan nidugah an pamhodna ya munnononnong hi enggana!
24 Binaliwan ditu'un Hiyah nan buhul tu'u.
Nan nidugah an pamhodna ya munnononnong hi enggana!
25 Ya indadaanay onon an amin di limmuna.
Nan nidugah an pamhodna ya munnononnong hi enggana!
26 At hiyanan munyaman tu'un Hiya an Dios ad abuniyan!
Nan nidugah an pamhodna ya munnononnong hi enggana!