137
Hay Ebel din Napakak an Holag Israel
1 Hidin inu'umbunanmih nan pingit di numbino'ob'on an wangwang ad Babylon
ya kimmilakila amin munnomnomnom hinan babluymi an Zion.
2 At inhabluymih din ayiw an poplar din alpami
3 ti adimi pohdon an ikantaan nan buhulmin nangiyalin da'mih tu ta numbalin amin balud.
Ya wa ayan inalidan da'miy,
“Ikantaan da'mih aat di Zion!”
4 Mu hay atonmin mangikantah pundayawmin Apo Dios
hituh nan babluy di udum an tatagu?
5 Ta"on atog hi un mami'id di la'eng'un muntukal hi alpah
un'u du'gon he"a, Jerusalem an babluymi!
6 Ya ta"on hi un mipuyut di dila' hinan tangngutangngu'
hi un'u aliwan di aat ad Jerusalem an babluymih
un hay udum an babluy di umipa'amlong ay ha"in!
7 Apo Dios, nomnomom ni' din inat nan holag Edom*Nan i'Edom ya hina"agidah nan Hudyu ti nan o'ommoddan duwa ya da Isaac ay Rebekah, ya nunduppel di holagda an da Jacob ay Esau. At ta"on un ginilat Apo Dios nan holag Jacob hidin nama"ian nan iBabylon ay didah din 586 B.C. ya adi maphod damdamah un mundenol nan holag Esau hidin nannigandah na'at ti hina"agida. hidin nangidoldolandah nan iBabylon ad Jerusalem
an nuntu'u'dan inaliday,
“Ubahonyuh nen babluyda! Ya pa"ionyun amin di a'abungdah engganah nipabunanda!”
8 Da'yun tatagud Babylon, awniat mun'a'ubah ayu!
At umamlong nan tagun mangiballoh hinan inatyun da'mi!
9 Immannung an umamlong nan tagun mangibitug hinan imbabaluyyu ta matoyda!
*137:7 Nan i'Edom ya hina"agidah nan Hudyu ti nan o'ommoddan duwa ya da Isaac ay Rebekah, ya nunduppel di holagda an da Jacob ay Esau. At ta"on un ginilat Apo Dios nan holag Jacob hidin nama"ian nan iBabylon ay didah din 586 B.C. ya adi maphod damdamah un mundenol nan holag Esau hidin nannigandah na'at ti hina"agida.