21
Hay nipainilan ahi maat hi Babilon
Hituwey impainilan Apu Dios ke ha-on mipanggep ke dakayun iBabilon: Waday ahi manadag ke dakayun kay nal-ot an al-alipuhhapu nah adi maboblayan. Hidiye ya malpu nah katatakut an boble. Tinibok on himpappangen ahi maat. Waday ahi mangihdul hi Babilon ta madadag. Dakayun iElam ya iMedia, likkubon yu ya gubaton yu nadan iBabilon. Man-uket maat hi Babilon di athidi ya panikod Apu Dios hi pumpaholholtap diyen bobleh tataguh udum an boble.
Namahig an impatakutak kediyen tinibok ya dingngol kut gapun diye ya himpappangey hakit di adol kun umat hi punggibok di babain muntungo. Indani ya matmattalak di nomnom ku ya munggagayonggongak hi takut ku. Uma-abtuwak an mahilong, mu indanit nahilong ya namam-a ot ya abuy takut ku.
Indani bo ya tinibok an munhahamul dah did Babilon an inumbun da nah ubunan di makihamul an niap-ap nan mahdol an luput. Mangmangngan da ya mangmanginnum da ya maid maptok ya waday tinumkuk an kananay “Dakayun aap-apu, immali nadan buhul taku. Alan yuy happiyo yu. Mundadaan kayun makigubat!”
Hay ma-ma-at ad Judah
Indani ya kanan Apu Dios ke ha-on di “Ekat em ipustuy guwalya nah binattun alad* 21:6 Hituwen guwalya ya mipustu nah nunlinikkod di Jerusalem ta tibona hin waday mangalin buhul da. ta ipainilana hin waday tinibona. Kalyom kediyen iha-ad mun mungguwalya an deket waday tibonah tatagun nunlugan nah kalesan ginuyud di hindudwan kabayu weno hay tatagun nuntakkeh kamel weno donkey ya mahapul an pakammatmatana dida.”
Kimmali nan guwalya ya kananay “Apu, nihnihtuwak tuh pustuk an nungguwalyah kahilohilong ya kabigabigat. Ad uwani uppe ya deya day ang-angok an matuntun-ud an mangalin kakalesa ya titindalu. Maid! Nunna-ud an madadag di Babilon! 21:9 Hanan ongal an boble an Babilon ya naapput handih 539 B.C. Mu hi New Testament ya deket nakaliy Babilon ya hay kibalinana ya nadan adi mangulug ke Apu Dios an bokon hidiyen ongal an boble. (Tibon yuy Revelation 14:8 ya 18:2.) Ya am-in nadan kinapya dan dios dan dayawon da ya nungkabukli ot miwahit hi luta.”
10 Dakayun ibbak an iJudah an mialig nah pagen nataltag, 21:10 Hanadan iJudah ya mialig da nah pagen nataltag te ahida maapput hi gubat ta mumbalin dan balud ad Babilon. (Tibon yuy Isaiah 39:5-7.) kinalik am-in ke dakayud uwaniy dingngol kun kinalin AP-APU an Kabaelanan am-in an Dios di holag Israel.
Hay nakali mipanggep hi Edom
11 Hituwey nipainila mipanggep hi Edom:§ 21:11-12 Tibon yuy Jeremiah 49:7-22 ya Ezekiel 25:12-14 ya Amos 1:11-12. Wadad Edom di kumalikalin ha-on an kananay “Guwalya, kon mabayag pay ta ahi mabigat? Kalyom ke ha-on hin kaatnan oras di mala-u ya ahi mabigat.” 12 Himmumangak an kanak di “Mungkabigat mo, mu ahi bo mahilong.* 21:12 Hay kibalinan nin tuwen “mungkabigat mo,” ya mungkapoppog moy pumpaholholtapan nadan iAssyria hi iJudah. Ya hay kibalinan nin tuwen “mu ahi bo mahilong,” ya nan gagalan pangilappuwan nadan iBabilon an mangipaholholtap hi iJudah. Deket pinhod mu bon ahi hanhanan ahika bo ya umali.”
Hay nakali mipanggep hi Arabia
13 Hituwey nipainila mipanggep hi Arabia: 21:13-17 Jeremiah 49:28-33 Dakayun iDedan an oggan mungkampu nah adi maboblayan ad Arabia, 14 idatan yuh danum nadan nauwo. Ya dakayun iTema, idatan yuh makan nadan binumtik an timmayan hi boble da. 15 Inibtikan da nadan pumalang ya pumana ke dida ya nadan katatakut an maat hi gubat.
16 Indani ya kanan Apu Dios ke ha-on di “Mala-uy hintoon ya mapoppog di dayaw nadan tatagud Kedar. 17 O-ohay ahi matdaan hanadah katultulidan an tatagud Kedar an nalaing an pumana. Ha-oy an AP-APU an Dios di Israel di nangalin tuwe.”

*21:6 21:6 Hituwen guwalya ya mipustu nah nunlinikkod di Jerusalem ta tibona hin waday mangalin buhul da.

21:9 21:9 Hanan ongal an boble an Babilon ya naapput handih 539 B.C. Mu hi New Testament ya deket nakaliy Babilon ya hay kibalinana ya nadan adi mangulug ke Apu Dios an bokon hidiyen ongal an boble. (Tibon yuy Revelation 14:8 ya 18:2.)

21:10 21:10 Hanadan iJudah ya mialig da nah pagen nataltag te ahida maapput hi gubat ta mumbalin dan balud ad Babilon. (Tibon yuy Isaiah 39:5-7.)

§21:11 21:11-12 Tibon yuy Jeremiah 49:7-22 ya Ezekiel 25:12-14 ya Amos 1:11-12.

*21:12 21:12 Hay kibalinan nin tuwen “mungkabigat mo,” ya mungkapoppog moy pumpaholholtapan nadan iAssyria hi iJudah. Ya hay kibalinan nin tuwen “mu ahi bo mahilong,” ya nan gagalan pangilappuwan nadan iBabilon an mangipaholholtap hi iJudah.

21:13 21:13-17 Jeremiah 49:28-33