1 Hanadan makudang di nomnom da ya kanan dah nomnom day “Maid di Dios.” Dida ya gaga-ihon abuy nomnom da ya gaga-iho boy aton da. Maid ni-moy ohan didan mangat hi maphod.

2 Uh-uhdungan APU DIOS hi langit di tatagu tuh lutat tibona hin wada ke diday nanomnoman an pinhod dan abun inilaon hiya, 3 mu maid. Te am-in di tagu ya inwalong dah APU DIOS. Maid ni-moy ohan mangat hi maphod te numbalin dan am-in hi gaga-iho.*14:1-3 Romans 3:10-12

4 Kanan APU DIOS di “Tipet nanongnan makulhiy ulun nadan gaga-ihon tatagu? Adida mundasal ke ha-on. Ya pulhon day limmun di tataguk ta hidiyey kitaguwan da.”

5 Mu ahida tumattakut te ahi ipatibon Apu Dios an pakabbaddangana nadan tatagun makangngun-unud ke hiya. 6 Nguddanon di gaga-ihon tatagun pa-iyon di planun nadan mahmok an tatagu, mu ipaptok metlaing APU DIOS dida.

7 Kay-ahan ya waday malpud Zion an mangihwang nadah holag Israel hi buhul da te paphodon bon APU DIOS didat uma-amlong da.