1 APU DIOS, gal-am anhan ta baddanganak ta ihwangak. 2 Hana ot ta maallilaw ya maka-apput nadan tatagun ihik an mamaten ha-on. Ya hana ot ta mibabain nadan tatagun maka-an-anla gapu te munholholtapak. 3 Pinhod kun abun maapput nadan manaltalanggan ha-on ta mibabain da.

4 Mu nada ken manapuhapul ke he-a ya hana ot ta umamlong da. Om, hana ot ta didan am-in an inihwang mu ya mun-am-amlong da ya itkuk day “Nakattag-en abuh Apu Dios.”

5 APU DIOS, ha-oy ke pe kattog ya nakawwotwotak*70:5 Hay kibalinana ya “makakkahmokak.” ya nakakkapuyak, kinali gal-am anhan an umalit baddanganak. APU DIOS, umali ka anhan te he-a ya abuy mangihwang ke ha-on.