1 Kanan APU DIOS nah Apuk di “Umbun kah winawwan ku inggana paka-apputok am-in di buhul mu.”*110:1 Tibon yuy Mateo 22:44 ya 26:64, Marcos 12:36 ya 14:62, Lucas 20:42-43 ya 22:69, Acts 2:34-35 ya Hebrews 1:13.

2 Idoldol APU DIOS di pun-ap-apuwam mipalpud Zion ta sakupom takon di boblen di buhul mu. 3 Hantuh algon pakihanggaam hi buhul mu ya gagaid nadan tatagum an munhilbin he-a. Ya kediye ya ibulwatim di bulwatin di ap-apu ya mawaday ongal an kabaelam umat hi timilan di algo nah biggatna.

4 Adi ibahhon APU DIOS hi tuwen insapatanan kananay “He-a Melkisidek, tinuddu dakan mumpadit nangamung.”†110:4 Tibon yuy Hebrews 5:6 ya 7:17 ya 7:21.

5 APU DIOS, wada nan Ap-apuh winawwan mu.‡110:5 Tibon yuy NET. Ahina paka-apputon di papatul hantuh algon pangipatib-anah boh-ol na. 6 Ya ahina humalyaon am-in di tagut mungkakate dat mipu-ul di aadol da. Ya apputona nimpen am-in di papatul hi kabobboble tuh luta. 7 Hiyay mangapput am-in hi gubat. Ta takon di daanan bobley pangayana ya uminum hi danum hanadah oob-ob hidi.