19
Bämop Äma Epän 19:1-2, 15-18
Kudupi ba siwoŋi irit täŋo jukuman
1-2 * Wkp 11:44-45; 1Pi 1:16 Yawetä Moses ŋode iwetkuk; Gäk Isrel ämawebe kudup ŋode kaŋ yäwet; Yawe Anutujin näk kudupi itat unita in udegän kudupigän itpäŋ kuŋatkot.
...
15 * Kis 23:6-8; Lo 16:19 Äma kubä täŋo man epänken itpäŋ kädet siwoŋi terak man u säkgämän kaŋ yäŋket urut. Man epän uken äma jäwäri jop nadäŋ nämo oraŋ yämineŋ. Ba äma wäpi biŋam ikekta udegän, nämo umuntäneŋ. Nämo, täktäki terak, siwoŋigän yäpmäŋ danineŋ. 16 Ba in notjiye ätukät päŋku ittäŋ kuŋkaŋ äma ätuta jop manman terak yäŋpäŋ-yabäŋ yäwat nämo täneŋ. Ba ätutä äma kubä wakiinik täŋkuk yäŋkaŋ man epänken teŋirä gäk waki u nämo täŋkuk yäŋ nadäŋpäŋä u gärak itpäŋ täŋkentäŋ imen. Man kum itpäŋ yabäŋ äwaräkuk täŋiri jop nadäŋ kumäŋ-kumäŋ utneŋta. U imata, näk Yawe it tamitat ubayäŋ.
17 * Mat 18:15 Täŋpäkaŋ notkapak kubätä waki täŋ gameko unita kokwawak nämo yäpmäŋ kuŋaren. Nämo, injek-tägän yäŋket urun. Unitäŋo momi juku piŋpäŋ gäk imaka, momi täŋpenta. 18 * Mat 5:43, 19:19, 22:39; Mak 12:31; Luk 10:27; Rom 13:9; Gal 5:14; Jem 2:8 Ba notkapak kubätä gäkken goret täŋ gamiŋirän kokwawak terak kowata nämo täŋ imen. Nämo, gäkŋata nadäk täyan udegän notkayeta nadäwen. U imata, näk Yawe it tamitat ubayäŋ.

*19:1-2: Wkp 11:44-45; 1Pi 1:16

*19:15: Kis 23:6-8; Lo 16:19

*19:17: Mat 18:15

*19:18: Mat 5:43, 19:19, 22:39; Mak 12:31; Luk 10:27; Rom 13:9; Gal 5:14; Jem 2:8