2
Jona ekfu anụ Nchileke
1 Ya ndono; Jona anọdu ẹma ono l'ẹpho kfuru nụ Ojejoje, bụ Nchileke iya; 2 sụ iya:
“Teke iphe-ẹhuka dakfutaru iya;
bẹ ya rakuru Ojejoje;
yọ zaa ya.
yọ zaa ya.
Ya anọdu l'alị-maa chiku ngu;
nggu eyetaru iya ẹka.
3 Ị pataru iya chee l'ẹbo ẹnyimu;
l'ọhu-alị eze ẹnyimu.
Utso abya erikpua ya.
Eyii-mini yẹle gborogboro,
ọotso egbe l'awụ iya awụwu l'ishi.
4 Ya arịa; sụ: ‘L'ị chịfuwaru iya l'ifu ngu.
Obenu lẹ ya e-wokwarua
ẹnya tupoo l'eze-ụlo ngu ono,
dụ nsọ ono ọdo.’
5 Mini wọru iya l'olu oswi kẹ chịi;
eyii-mini erikpua ya erikpu.
Ẹbakala mini ekwechishia ya ishi ekweshi.
6 Ya enwulahu l'ime ime alị ugvu.
Alị ono atụa ya mkpọro mgbe-'agvụ-agvụ.
Obenu l'ị gụfutaleru iya-a lẹ
ndzụ l'iduma ono;
nggụbe Ojejoje, bụ Nchileke iya.
7 Ọ bụ teke ya atụ-buwa ume atụ-bu;
bẹ ya nyataru nggụbe Ojejoje.
Ya abya ekfuru nụ ngu;
okfu iya erua l'ẹke ị nọ
l'eze-ụlo ngu, dụ nsọ.
8 Ndu bụ agwa, ẹ-ta dụdu iphe ọ bụ;
bẹ ẹphe abaru ẹja
b'ọ nafụje eze-iphe-ọma, g'erube ẹphe ẹka.
9 Obenu lẹ yẹbedua e-gude
egvu-ekele l'agwa ngu.
Iphe ya kweru ngu ụkwa iya;
be ya e-medzu.
Ndzọta bụ Ojejoje b'o shi l'ẹka.”
10 Ya ndono; Ojejoje abya ekfuru yeru eze ẹma ono; yọ gbọfu Jona tụa l'eli nggodo.